ویسٹ انڈیز میں جاری انڈر 19 کرکٹ ورلڈکپ میں دلچسپ مقابلے جاری ہیں۔
تفصیلات کے مطابق انڈر 19 کرکٹ ورلڈکپ کے تیسرے سپر لیگ کوارٹر فائنل میں آج پاکستان کا مقابلہ آسٹریلیا سے ہوگا۔میچ پاکستانی وقت کے مطابق شام چھ بجے شروع ہوگا۔
پاکستان ٹیم گروپ اسٹیج میں زبردست کارکردگی کا مظاہرہ کرتے ہوئے ناقابل شکست رہی تھی۔ پاکستان نے زمبابوے، افغانستان اور پاپوا نیوگنی کو شکست سے دوچار کیا تھا۔
https://twitter.com/cricketworldcup/status/1486964808083726337
آسٹریلوی ٹیم گروپ اسٹیج میں تین میں سے دو میچز میں فتحیاب ہوئی تھی جبکہ ایک میں اسے شکست کا سامنا کرنا پڑا تھا۔
Advertisement
آج کے میچ کی فاتح ٹیم سیمی فائنل کے لیے کوالیفائی کرلے گی جہاں اس کا مقابلہ دوسرے سپر لیگ کوارٹر فائنل کی فاتح ٹیم سے ہوگا۔
دوسرے سپر لیگ کوارٹر فائنل میں بنگلہ دیش اور بھارت کی ٹیمیں پاکستانی وقت کے مطابق کل شام چھ بجے مدمقابل آئیں گی۔
واضح رہے کہ گزشتہ روز افغانستان نے سری لنکا کو سنسنی خیز مقابلے کے بعد 4 رنز سے شکست دے کر سیمی فائنل کے لیے کوالیفائی کرلیا ہے جہاں اس کا مقابلہ انگلینڈ سے ہوگا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
