یمن کے حوثی باغیوں نےدعویٰ کیاہےکہ انھوں نےایک جدید نئےمیزائل کےذریعےسعودی عرب کاایک جنگی ہیلی کاپٹرمارگرایاہے۔

بین الاقوامی خبررساں ادارے کے مطابق جمعےکی صبح سعودی عرب کےصوبےعسیرکی سرحدکےنزدیک ہیلی کاپٹرکوگرایاگیاہے۔

حوثی باغیوں کے فوجی ترجمان یحییٰ ساربہ نے دعویٰ کیا ہے کہ یمن کے سرحدی علاقے میں ایک سعودی ہیلی کاپٹر کو زمین سے ہوا میں مار کرنے والے میزائل سے نشانہ بنایا جس کے نتیجے میں ہیلی کاپٹر میں آگ بھڑک اُٹھی اور وہ گرکر تباہ ہوگیا جبکہ دونوں پائلٹس ہلاک ہوگئےہیں ۔

یحیی ساربہ نےمزیدکہاکہ سعودی اپاچی ہیلی کاپٹرحوثی باغیوں کےٹھکانےکی جاسوسی کررہاتھا،حوثی جنگجوؤں نےاپنے دفاع میں ہیلی کاپٹر کو نشانہ بنایا تاہم حوثی باغیوں کی جانب سے اپنے دعوے کی حق میں شواہد پیش نہیں کیے گئے ہیں۔

دوسری جانب سعودی عرب کی جانب سےہیلی کاپٹرکےتباہ ہونےکی تردیدیاتصدیق نہیں کی گئی ہے۔

انھوں نےکہا ’ہم ایک بار پھر دہراتے ہیں کہ کسی کو بھی یمن کی فضائی حدود میں داخلےکی اجازت نہیں ہےاورہم ایسی تمام کوششیں ناکام بنا دیں گے۔‘

انھوں نےکہا ’ہم ایک بار پھر دہراتے ہیں کہ کسی کو بھی یمن کی فضائی حدود میں داخلے کی اجازت نہیں ہے اور ہم ایسی تمام کوششیں ناکام بنا دیں گے۔‘

واضح رہے کہ رواں برس حوثی باغیوں نے یہ دعویٰ بھی کیاتھا کہ انھوں نے خود ساختہ ایئر ڈیفنس سسٹم تیار کر لیے ہیں۔

پچھلے کئی ماہ سے سعودی عرب اور حوثی باغیوں کے درمیان کشیدگی بڑھتی جا رہی ہے اور سرحدی علاقوں اور بندرگاہوں پر جھڑپیں معمول بنتی جا رہی ہیں۔ گذشتہ ماہ یمنی باغیوں نے تین بحری جہازوں کو بھی قبضے میں لے لیا تھا۔

اس سے پہلے 2017 میں فرینڈلی فائر کے نتیجے میں ہیلی کاپٹر گرنے سے 12 سعودی فوجی ہلاک ہوگئے تھے۔ ایک برس کے دوران یمن میں تباہ ہونے والا یہ تیسرا ہیلی کاپٹر ہے  ۔