معاون خصوصی شہباز گل نے کہا ہے کہ ہم گھر جانا پسند کریں گے لیکن این آر او نہیں دیں گے۔
فیصل آباد میں نیوز کانفرنس کرتے ہوئے معاونِ خصوصی شہباز گل نے کہا کہ اپوزیشن کی 36 سازشیں ناکام بنائیں، ہم 37 ویں سازش بھی ناکام بنا دیں گے۔ اپوزیشن اب 38 ویں سازش پر بھی غور شروع کر دے۔
معاون خصوصی نے نیوز کانفرنس میں کہا کہ وزیراعظم عمران خان نے اِن ہاؤس تبدیلی کو ویلکم کہا ہے۔ دونوں خاندان مل کر نئی واردات کی کوشش کر رہے ہیں۔ اپوزیشن سے کہتا ہوں کہ اپنی شعبدہ بازیوں کی وجہ سے قوم کو نقصان نہ پہنچائے۔
شہباز گل نے میڈیا سے گفتگو میں کہا کہ صحت کارڈ سے متعلق آگاہی دینا ہم سب کی ذمے داری ہے۔ فیصل آباد کے شہریوں کو صحت کارڈ کے ذریعے آج سے مفت علاج کی سہولت ہوگی۔
معاونِ خصوصی نے کہا کہ غریب شہری صحت کے مسائل کی وجہ سے مشکلات کا شکار رہتا ہے۔ غریب آدمی کا بجٹ بیماری کی وجہ سے زیادہ متاثر ہوتا ہے۔
Advertisement
انھوں نے نیوز کانفرنس کرتے ہوئے کہا کہ صحت کارڈ سے ہر خاندان کو مفت علاج کی سہولت ہوگی۔ صحت کارڈ کے ذریعے دس لاکھ روپے تک کا علاج کروا جا سکتا ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
