حافظ حمد اللہ نے کہا ہے کہ عمران خان کی رخصتی کا وقت آن پہنچا ہے۔
فوادچوہدری ودیگروفاقی وزراء کے بیان پر ترجمان پی ڈی ایم حافظ حمد اللہ نے ردعمل دیتے ہوئے کہا کہ ملک میں منتخب عوامی نمائندوں کی حکومت نہیں۔
ترجمان پی ڈی ایم نے کہا کہ ساڑھے تین سال سے ملک پر مافیازمسلط ہے، چینی مافیا، آٹامافیا، دوائی مافیا،ایل این جی مافیا کا سربراہ کپتان ہے۔
حافظ حمد اللہ کا کہنا تھا کہ تحریک انصاف سیاسی پارٹی نہیں بلکہ سیاسی خانہ بدوشوں، سیاسی موسمی پرندوں اورسیاسی لوٹوں کا ایک ہجوم ہے۔
ترجمان پی ڈی ایم نے کہا کہ اس ہجوم کی مسلط کردہ حکومت نے ساڑھے تین سال سے تبدیلی کےنام پرتباہی وبربادی برپاکی۔ اس ہجوم میں سے کچھ بھاگ جائیں گے ، کچھ لوٹے ہوجائیں گے اور کچھ پکڑے جائیں گے۔
Advertisement
حافظ حمد اللہ کا کہنا تھا کہ مولانا فضل الرحمن کو مدارس کے بچوں کا طعنہ دینے والو سن لو، مولانا فضل الرحمن کا مدرسہ ڈگری ہولڈر ہے جوعمران خان کی سیاست ختم کرکے دم لیں گے۔
ترجمان پی ڈی ایم حافظ حمد اللہ کا مزید کہنا تھا کہ عمران خان مہرہ ہے جن کی رخصتی کا وقت آن پہنچا ہے، تحریک عدم اعتماد ان کے نام نہاد اقتدار کے خاتمے کےلئے آخری کیل ثابت ہوگی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
