ناروے میں کھلے آسمان تلے سیکڑوں مسلمانوں نے قرآن پاک کی تلاوت کی، یہ اجتماع اس جگہ ہوا جہاں قرآن پاک کی بے حرمتی کی گئی تھی۔

تفصیلات کے مطابق ناروے کے دارالحکومت اوسلو میں گزشتہ دن دنیا کے مختلف ممالک سے تعلق رکھنے والے سینکڑوں مسلمان جن میں پا کستانی بھی شامل تھے، کھلے آسمان تلے جمع ہوئے اور پورا ایک گھنٹہ سورۃ یاسین کی تلاوت کرکے قرآن کریم سے اپنی عقیدت اور وابستگی کا اظہار کیا۔

ذرائع کے مطابق یہ اجتماع اوسلو کے علاقے گرورود کے فٹ بال گراونڈ میں منفی آٹھ درجے سینٹی گریڈ انتہائی سرد موسم میں منعقد ہوا۔

اس تقریب میں گرورود گرجا گھر کی خاتون پادریہ مس انے بریت ایوانگ نے خصوصی طور پر شریک ہو کر مسلمانوں سے یکجہتی کا اظہار کیا۔
اجتماع میں بڑی تعداد میں خواتین اور بچے بھی شریک ہوئے، اختتام پر دعا کی گئی۔

واضح رہے کہ ناروے کے دارالحکومت اوسلو میں یہ اجتماع ایسے وقت میں منعقد کیا گیا جب دوہفتے قبل ناروے کے جنوبی شہر کرستیان ساند میں ایک انتہاپسند شخص نے پولیس کے منع کرنے کے باوجود لوگوں کے سامنے قرآن کریم کی بے حرمتی کی

اس موقع پر ایک مسلمان نوجوان نے اپنے ساتھیوں کی مدد سے قرآن کریم کی بے حرمتی کرنے والے اس متعصب شخص کو روکا۔

دین پرمرمٹنےکاجذبہ،کل بھی تھا اورآج بھی ہے

اس واقعہ سے پوری دنیا کے مسلمانوں میں غم و غصے کی لہر پھیل گئی تھی اور دنیا بھر میں‌ مقدس کتاب کی بے حرمتی پر مسلمان سراپا احتجاج ہیں

پاکستان سمیت مختلف ممالک میں واقعے کے خلاف احتجاجی مظاہرے کیے گئے، جن میں ملعون کے خلاف کارروائی کا مطالبہ کیا گیا۔

Advertisement

This man (ILYAS) attacked a man who was burning Holy Quran in front of hundreds of people in Norway. He's our hero. May Allah bless this man and all Muslims with more boldness and courage. ❤️ pic.twitter.com/mNJrM3js9t

— Quran & Hadith (@QuranAndHadithh) November 22, 2019

اس واقعے کے بعد ناروے سمیت پورے یورپ میں لوگوں میں قرآن کریم کے مطالعے کے رحجان میں اضافہ ہوا

یورپی مسلمانوں نے قرآن کریم سے اپنی محبت کے اظہار کے لیے اس کلام الٰہی کو پہلے سے زیادہ پڑھنا شروع کردیا ہے اور غیرمسلم اس لیے اس کا مطالعہ کررہے ہیں تاکہ دیکھا جائے اس کتاب میں ایسا کیا ہے، جس کے تقدس کو مسلمان ہرگز پامال نہیں ہونے دیتے۔