مراد سعید ، تحریک انصاف کے رہنماء و وفاقی وزیر مواصلات و پوسٹل سروسز نے پیپلزپارٹی کے چیئرمین بلاول بھٹو زرداری کی افتتاحی تقریب سے تقریر پر ردعمل جاری کیا ہے۔
انہوں نے کہا کہ افسوس کی بات ہے کہ پرچی والے حادثاتی سیاستدان نے سندھ کے اندر کتوں کے کاٹنے کیوجہ سے اموات کا ذکر تک نہیں کیا ہے اور فرزند زرداری نے تھر میں ہر سال بھوک کیوجہ سے مرنے والے سینکڑوں بچوں کی بات تک نہیں کی۔
مراد سعید کا کہنا تھا کہ جانشین زرداری کراچی کے بارشوں میں مرنے والے اموات پر ایک دفعہ پھر خاموش رہے۔
انکا مزید کہنا تھا کہ بلاول نے کراچی کے اموات اور ڈوبنے کے منظر پر صرف یہ انکشاف کیا کہ بارش آتا ہے تو پانی آتا ہے اور زیادہ بارش آتا ہے تو زیادہ پانی آتا ہے اور جانشین زرداری اپنے وزیر اعلی کے حلقے میں ایمبولینس تک نہ ہونے پر بھی خاموش رہے ہیںَ
مراد سعید کا کہنا تھا کہ وہ جانتے ہیں کہ سندھ کی ترقی پر لگنے والا پیسہ انکے فیک اکاونٹ اور خرچوں میں استعمال ہو رہا ہے، جانشین زرداری نے یہ بھی نہیں بتایا کہ ایان علی اور اسکے ٹکٹ کے پیسے ایک ہی اکاونٹ سے کیسے ادا ہوتے رہے۔
مراد سعید نے تنقید کا نشانہ بناتے ہوئے بلاول بھٹو کو کہا کہ اب خان آیا ہے تو کراچی کے ترقیاتی منصوبوں کی منظوری دیدی گئی لیکن عمران خان نے پاکستان کو سفارتی تنہائی سے نکال کر عالم اسلام کی رہنمائی دلوائی ہے۔
انہوں نے بتایا کہ عمران خان نے انکے ابو اور چچا نواز کے لئے ہوئے قرضوں پر سود کی مد میں 10 ارب ڈالر واپس کئے ہیں اور عمران خان نے ہی ایک سال میں انکی کرپشن کی وجہ سے آئی سی یو میں پڑی معیشت کو درست سمت دی ہے۔
انہوں نے مزید بتایا کہ عمران خان نے ایک سال میں پاکستان کو کاروبار کی آسانی میں 28 درجے ترقی دلوائی ہے اور عمران خان کیوجہ سے ملک میں سرمایہ کاری آنے لگی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News