اسلام آباد میں دوروز سےوقفےوقفےسے بارش کا سلسلہ جاری ہے۔ اسلام آباد اورراولپنڈی میں بارش کے بعد سردی کی شدت میں مزید اضافہ ہو گیاہےجبکہ ملکہ کوہسارمیں برف باری کا سلسلہ جاری ہے۔

محکمہ موسمیات کے مطابق ملک کے بیشترعلاقوں میں مطلع ابر آلودرہے گا، ‏راولپنڈی اور اسلام آباد میں بارش  سے سردی کی شدت میں اضافہ ہوگیاہے۔

شمالی پنجاب، بالائی خیبرپختونخوا کے اکثر علاقوں میں گرج چمک کے ساتھ بارش کاسلسلہ جاری ہے۔ محکمہ موسمیات کاکہناہے کہ ‏گلگت بلتستان اورکشمیر کے اضلاع میں چند مقامات پرگرج چمک کے ساتھ بارش  متوقع ہے۔

محکمہ موسمیات کے مطابق ‏گلگت بلتستان اورکشمیرمیں پہاڑوں پربرفباری کا امکان ہے،‏پنجاب اور بالائی سندھ کے بیشتر میدانی علاقوں میں شدیددھند سےحد نگاہ متاثر ہوگئی۔

محکمہ موسمیات کےمطابق وادی کوئٹہ سمیت بلوچستان کے مختلف اضلاع میں موسم سرد اور خشک رہے گا،حالیہ بارشوں اور پہاڑوں پر برفباری کے بعد وادی کوئٹہ میں سردی کی شدت میں اضافہ ہو گیا۔

وادی کوئٹہ میں کم سے کم درجہ حرارت 3ڈگری سینٹی گریڈ ریکارڈ کیاگیاہےجبکہ قلات میں 2،گوادر میں 14،سبی میں 9،تربت میں 8،نوکنڈی میں 5اور جیونی میں 16ڈگری سینٹی گریڈ ریکارڈ کیا کی گئی۔

ملکہ کوہسار، مالم جبہ اورایبٹ آباد میں برف باری کے باعث سیاحوں کی بڑی تعداد نے وہاں کا رخ کرلیا۔ محکمہ موسمیات کاکہناہےکہ وادی میں آج بھی برف باری کا سلسلہ جاری رہے گا۔