افغانستان میں بگرام ائیربیس پرحملےکےبعدامریکا اورطالبان کےدرمیان ایک بارپھرامن مذاکرات تعطل کاشکارہوگئےہیں۔

غیرملکی خبررساں ادارے کی رپورٹ  کے مطابق گزشتہ دنوں افغان صوبے پروان کےشہر بگرام  میں  امریکی فوج کے زیر استعمال  ایئر بیس پرحملہ کیا گیاتھاجس میں  ہلاکتوں کی  بھی اطلاعات  موجود ہیں۔ جس کےبعدامریکا نے افغان طالبان سے مذاکرات روکنے کا اعلان کردیا ہے۔

افغان طالبان اورامریکا کے درمیان دوبارہ مذاکرات رواں ماہ 7 دسمبر کوشروع ہوئےتھےلیکن اب ایک بارپھرامن مذاکرات میں تعطل آگیا ہے۔

امریکی نمائندہ خصوصی برائے افغان مفاہمتی عمل زلمے خلیل زاد کا کہنا ہےکہ طالبان رہنماؤں سے ملاقات میں بگرام ائیربیس حملے پرتشویش کااظہار کیا گیا۔

Advertisement

(1/2) When I met the Talibs today, I expressed outrage about yesterday’s attack on Bagram, which recklessly killed two and wounded dozens of civilians. #Taliban must show they are willing & able to respond to Afghan desire for peace.

— U.S. Special Representative Zalmay Khalilzad (@US4AfghanPeace) December 12, 2019

دوسری جانب طالبان ترجمان سہیل شاہین نے اپنی ٹوئٹ میں کہا کہ ملا برادر کی سربراہی میں مذاکراتی ٹیم کے متعدد ارکان نے زلمے خلیل زاد کی سربراہی میں امریکی مذاکراتی ٹیم سے ملاقات کی۔

نن مازدیګر د محتر م ملا برادر اخند تر مشرۍ لاندې د مذاکراتي ټيم څو تنو اعضاوو د خلیلزاد ترمشرۍ لاندی د امریکې دمذاکراتي ټيم له یوشمیر اعضاوو سره وکتل. د خبرو فضا ښه او مثبته وه او دواړو خواوو موافقه وکړه چې د څو ورځو له وقفې او مشورو وروسته به خپلو خبروته دوام ورکړي.

Advertisement

— Suhail Shaheen (@suhailshaheen1) December 12, 2019

انہوں نے کہا کہ مذاکرات کا ماحول اچھا اور مثبت تھا تاہم فریقین نے اتفاق کیا کہ وہ کچھ دن کے وقفوں اور مشاورت کے بعد اپنی بات چیت جاری رکھیں گے۔

امریکا اور افغان طالبان کے درمیان مذاکرات کا پھر سے آغاز

 امریکی صدر نے ستمبر میں گزشتہ ایک سال سے جاری مذاکرات معاہدے پر دستخط ہونے سے قبل منسوخ کر دیئے تھے، بعد ازاں ٹرمپ نے مذاکرات شروع کرنے کا عندیہ دیا تھا جس کے بعد افغان طالبان اور امریکی حکام کی 7 دسمبر کو ملاقات بھی ہوئی تھی۔

واضح رہےکہ امریکااورطالبان کےدرمیان اس سےقبل امن مذاکرات کے دورہوچکےہیں۔