آئی پی ایل کے نشریاتی حقوق کی بولی 50 ہزار کروڑ میں متوقع

ویب ڈیسک

30th Mar, 2022. 12:45 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آئی پی ایل کے نشریاتی حقوق کی بولی 50 ہزار کروڑ میں متوقع

بھارتی کرکٹ بورڈ نے آئی پی ایل کے اگلے 5 سیزن کے لئے نشریاتی حقوق فروخت کرنے کا ٹینڈر جاری کر دیا.

گزشتہ روز بھارتی کرکٹ بورڈ نے اپنے برانڈ آئی پی ایل کے 5 سیزن 2023-2027 کے لئے میڈیا رائٹس ٹینڈر جاری کئے اور امید کی جارہی ہے کہ یہ نشریاتی حقوق 50 ہزار کروڑ میں فروخت ہو سکتے ہیں۔

بی سی سی آئی کے سیکریٹری جے شاہ کا کہنا ہےکہ بورڈ آئی پی ایل کی تاریخ میں پہلی مرتبہ ای نیلامی کا اہتمام کر رہا ہے۔

جے شاہ نے کہا کہ رواں سیزن میں دو نئی فرنچائز کا مطلب زیادہ میچز ، زیادہ دلچسپی اور زیادہ وینیوز سے آئی پی ایل ترقی کی جانب بڑھ رہی ہے۔

لکھنؤ سپر جائنٹس اور گجرات ٹائٹینز کے آنے سے آئی پی ایل کے میچز کی تعداد 60 سے بڑھ کر 74 ہو گئی ہے۔

جے شاہ کا مزید کہنا تھا کہ دلچسپی رکھنے والی کمپنیوں میں بھی اب زیادہ مسابقت کی جنگ ہو گی جس کا فائدہ بورڈ کو ہو گا اور امید ہے کہ نشریاتی حقوق 50 ہزار کروڑ میں جا سکتے ہیں۔

آئی پی ایل کے نشریاتی حقوق کے لئے درخواست جمع کرانے کی آخری تاریخ 10 مئی ہے جبکہ نیلامی 12 جون تک متوقع ہے۔