وزیراعظم عمران خان دورہ سعودی عرب کے بعد وطن واپس پہنچ گئے ہیں۔

تفصیلات کے مطابق وزیراعظم عمران خان دورہ سعودی عرب کے بعد وطن واپس پہنچ گئے، سعودی ولی عہد محمد بن سلمان نے وزیراعظم کو ہوائی اڈے پر رخصت کیا۔

ذرائع کے مطابق وزیراعظم عمران خان گزشتہ دن ایک روزہ دورے پر سعودی عرب گئے تھے، وزیراعظم اپنے دورے کے پہلے مرحلے میں مدینہ منورہ پہنچے،وزیراعظم عمران خان نے روضہ رسولﷺ پر حاضری دی اور نوافل کی ادائیگی کی جس کے بعد وہ ریاض روانہ ہوئے۔

دورہ سعودی عرب کا اعلامیہ جاری

وزیراعظم کےدورہ سعودی عرب کا اعلامیہ بھی جاری کر دیا گیا ہے۔

وزیراعظم نے مشرق وسطی کے تنازعات سیاسی اور سفارتی ذرائع سے حل کرنے پر زور دیا۔

اعلامیے کے مطابق سیاحت کے فروغ سے متعلق سعودی ٹیم جلد پاکستان کا دورہ کرے گی،وزیراعظم نے ولی عہد کو مقبوضہ کشمیر کی صورتحال سے بھی آگاہ کیا۔

وزیراعظم ایک روزہ دورےپرسعودی عرب پہنچ گئے

وزیراعظم عمران خان نے کہاکہ پاکستان مشرق وسطی میں تنازعات ختم کرنے اور تناؤکم کرنے میں کردار ادا کرتا رہے، پاکستان خطے اور دنیا کے امن کے لئے تمام تر کوششوں میں مدد فراہم کرتا رہے گا۔

مشترکہ اعلامیے کے مطابق سعودی عرب نے پاکستان میں سیاحت کے شعبے کی ترقی میں ہر ممکن تعاون کی پیشکش کی۔ سعودی ٹیم کو جلد پاکستان بھیجنے کا وعدہ بھی کیا۔ مئی 2019 کے بعد وزیراعظم عمران خان کا سعودی عرب کا یہ چوتھا دورہ تھا، دونوں ممالک کی قیادت تعلقات کو ایک نئی سطح پر لے جانے کے لئے پرعزم ہے۔