بابراعظم نے آسٹریلیا کے خلاف کیریئر کی تیز ترین 15ویں سنچری بناکر کئی ریکارڈ اپنے نام کرلیے۔

پاکستانی ٹیم کے کپتان بابراعظم نے آسٹریلیا کے خلاف دوسرے ایک روزہ میچ میں 114 رنز کی ذمہ دارنہ اننگز کھیل کر نہ صرف ٹیم کوفتح سے ہمکنار کروایا بلکہ سیریز بھی 1-1 سے برابر کردی۔

Babar Azam, what a hundred, what a player!

(via @TheRealPCB) #PAKvAUS pic.twitter.com/JI2GrmahNN

Advertisement

— ESPNcricinfo (@ESPNcricinfo) March 31, 2022

بابراعظم کی آسٹریلیا کے خلاف سنچری کی سب سے خاص بات ، ون ڈے انٹرنیشنل کی تیز ترین 15ویں سنچری کا اعزاز حاصل کرنا تھا۔ بابر اعظم نے اپنی 15 ویں سنچری 83 اننگز میں مکمل کی۔

یہ بھی پڑھیں؛ پاکستان نے بابر اور امام کی سنچریوں کی بدولت آسٹریلیا کو شکست دیکر سیریز برابر کردی

اس سے قبل جنوبی افریقا کے اسٹائلشٹ بلے باز ہاشم آملہ کے پاس یہ ریکارڈ تھا جنہوں نے 86 اننگز میں 15 سنچریاں اسکور کی تھیں۔

https://twitter.com/TheRealPCB/status/1509584932217266190

دوسری جانب بابراعظم نے پاکستان کے سابق کپتان اظہر علی کا ریکارڈ بھی توڑ دیا جو اب تک بطور کپتان 3 سنچریاں اسکور کرچکے تھے، بابراعظم نے آج بطور کپتان چوتھی سنچری اسکور کرکے ان سے یہ اعزاز چھین لیا۔

Babar Azam registers the highest score by a Pakistan captain vs Australia in ODIs. #BoysReadyHain l #PAKvAUS pic.twitter.com/PubSY7jpcv

— Pakistan Cricket (@TheRealPCB) March 31, 2022

علاوہ ازیں بابراعظم نے سابق کپتان عمران خان کا ریکارڈ بھی توڑ دیا۔ وہ آسٹریلیا کے خلاف بطور کپتان سب سے بڑی اننگز کھیلنے کا اعزاز بھی حاصل ہوگیا ہے اور وہ آسٹریلیا کے خلاف سنچری کرنے والے پہلے پاکستانی کپتان بن گئے ہیں۔

یہ بھی پڑھیں؛ بابر اعظم نے سر ویوین رچرڈز کا ریکارڈ توڑ ڈالا

واضح رہے آسٹریلیا کے خلاف پہلے میچ میں بابراعظم نے ون ڈے کریئر میں اپنے 4 ہزار رنز مکمل کیے اور یوں وہ تیز ترین 4 ہزار رنز بنانے والے پہلے ایشین اور دوسرے عالمی بلے باز بن گئے۔ انہوں نے یہ کارنامہ 82 اننگز میں انجام دیا جب کہ ان سے پہلے صرف ہاشم آملہ ہیں جو 81 اننگز میں تیز ترین 4 ہزار رنز بناچکے ہیں۔