وزیراعظم عمران خان نے وفاقی کابینہ کا خصوصی اجلاس طلب کر لیا ہے۔

ذرائع کے مطابق وزیراعظم عمران خان نے وفاقی کابینہ کا خصوصی اجلاس رات 9 بجے طلب کریا ہے جس میں اہم فیصلے متوقع ہیں۔

ذرائع کا کہنا ہے کہ کابینہ کا اجلاس وزیراعظم ہاؤس میں ہو گا، اجلاس میں ملکی سیاسی صورتحال پر حکمت عملی طے کی جائے گی۔

خیال رہے کہ قومی اسمبلی کا اجلاس جاری ہے جس میں وزیراعظم کے خلاف تحریک عدم اعتماد پر ووٹنگ ہونی ہے۔

دوسری جانب پاکستان تحریک انصاف نے سپریم کورٹ سے 7 اپریل کے فیصلے پر نظرِ ثانی کی درخواست تیار کرلی ہے، پیر کے روز نظر ثانی درخواست دائر ہونے کا امکان ہے۔

وزیراعظم عمران خان کی ہدایت پراسپیکر کی رولنگ غیرقانونی قرار دینے کے سپریم کورٹ کے فیصلے کے خلاف نظرِ ثانی کی درخواست تیار کی گئی۔

درخواست عمران خان کی ہدایت پر بابر اعوان اور اظہر صدیق نے تیار کی جس میں عدالتِ عظمٰی سے استدعا کی جائے گی کہ سپریم کورٹ اپنے 7 اپریل کے فیصلے پر نظرثانی کرے۔

تحریکِ انصاف کی درخواست میں پیپلزپارٹی، مسلم لیگ ن، سپریم کورٹ بار، سندھ ہائی کورٹ باراورسندھ بارکونسل کو فریق بنایا گیا ہے۔

وزیراعظم کی جانب سے سپریم کورٹ میں دائر درخواست میں مؤقف اپنایا ہے کہ اسپیکر کی رولنگ کو آرٹیکل 69 کے تحت تحفظ حاصل ہے۔

درخواست میں یہ مؤقف بھی بیان کیا گیا ہے کہ سپریم کورٹ کے فیصلے میں غلطیاں موجود ہیں۔ اسپیکر کی رولنگ کو آئینی تحفظ حاصل ہے۔

درخواست میں کہا گیا ہے کہ سپریم کورٹ کو اسپیکر کی رولنگ کو کالعدم قرار دینے کا اختیار نہیں تھا۔

درخواست میں عدالتِ عظمٰی سے استدعا کی گئی کہ عدالت نظر ثانی کرتے ہوئے 3 اپریل کے وزیراعظم اورصدر کے اقدامات بحال کرے۔

بابراعوان نے وزیراعظم کی ہدایت پرایڈوکیٹ اظہرصدیق کے ساتھ مل کر تیار کی۔

عدالتی وقت ختم ہونے کی وجہ سے درخواست آج سپریم کورٹ میں دائر نہ ہو سکی، پیر کے روز نظر ثانی درخواست دائر ہونے کا امکان ہے۔