مائیکروسافٹ نےآئندہ سال جنوری سےونڈوز7  ٹیکنیکل سپورٹ اورسسٹم اپڈیٹس کاسلسلہ بند کرنےکااعلان کردیاہے ۔

مائیکروسافٹ نےاعلان کیا ہے کہ اس کے مشہورآپریٹنگ سسٹم ’’ونڈوز 7‘‘ کی ٹیکنیکل سپورٹ اور سسٹم اپ ڈیٹس کا سلسلہ 14 جنوری 2020ء تک ختم کردیا جائے گا۔ مطلب یہ کہ اگر آپ قانونی طور پر ونڈوز 7 استعمال کررہے ہیں تو آپ کو اگلے سال 14 جنوری کے بعد ونڈوز کی جانب سے اپ ڈیٹس موصول نہیں ہوں گی۔

البتہ، اگر آپ ونڈوز 7 کے تجارتی و کاروباری صارف  ہیں تو اضافی معاوضے پر آپ کو مائیکرو سافٹ کی جانب سے ونڈوز 7 کی سیکیورٹی اپ ڈیٹس موصول ہوتی رہیں گی۔

واضح رہے کہ آن لائن سیکیورٹی کے حوالے سے دن بدن نت نئے خطرات سامنے آتے رہتے ہیں جن کا سامنا کرنے کے لیے باقاعدگی سے ’’ونڈوز سیکیورٹی اپ ڈیٹس‘‘ بالعموم ہفت روزہ بنیادوں پر پیش کی جاتی ہیں۔واضح رہے کہ آن لائن سیکیورٹی کے حوالے سے دن بدن نت نئے خطرات سامنے آتے رہتے ہیں جن کا سامنا کرنے کے لیے باقاعدگی سے ’’ونڈوز سیکیورٹی اپ ڈیٹس‘‘ بالعموم ہفت روزہ بنیادوں پر پیش کی جاتی ہیں۔

ونڈوزآپریٹنگ سسٹم ان اپ ڈیٹس کو ڈاؤن لوڈ کرکے خود بخود انسٹال کرلیتا ہے۔ اگرچہ اپ ڈیٹس نہ ملنے کی صورت میں آپریٹنگ سسٹم پر کوئی فرق نہیں پڑے گا لیکن اس کی سیکیورٹی کو خطرات ضرور لاحق ہوسکتےہیں۔

’’ونڈوزایکس پی‘‘ مائیکرو سافٹ کا سب سے کامیاب آپریٹنگ سسٹم رہاہے ، جو اگست 2001ء میں لانچ کیا گیا اور اس کی سپورٹ 8 اپریل 2014ء کو ختم کی گئی۔

 اس کے بعد 22 جولائی 2009ء کو ونڈوز 7 آپریٹنگ سسٹم لانچ کیا گیا۔ اگرچہ یہ بھی بہت کامیاب رہا لیکن اس کی کامیابی کی شرح ونڈوز ایکس پی کے مقابلے میں کم تھی۔