وزیراعظم کی معاون خصوصی برائےاطلاعات ونشریات فردوس عاشق اعوان نے کہا ہےکہ دشمن  جوکہ بیرونی عناصر اور ان کے اندرونی آلہ کار ہیں، ملک کوعدم استحکام اور اداروں کو کمزور کرنے کے مذموم عزائم میں ناکام ہوں گے۔

بیرونی عناصر اور انکے اندرونی آلہ کار ملک کو عدم استحکام اور اداروں کو کمزور کرنے کے مذموم عزائم میں ناکام ہوں گے۔وزیراعظم عمران خان کی قیادت میں ملک کے روشن مستقبل کے خلاف سازشی عناصر کوشکست دیں گے۔

— Dr. Firdous Ashiq Awan (@Dr_FirdousPTI) December 20, 2019

سماجی رابطوں کی ویب سائٹ ٹوئٹر پربیان دیتے ہوئےمعاون خصوصی نےلکھا کہ وزیراعظم عمران خان کی قیادت میں ملک کے روشن مستقبل کے خلاف سازشی عناصر کوشکست دیں گے۔

ڈاکٹرفردوس عاشق اعوان نے لکھا کہ ملک کے تمام اداروں میں ہم آہنگی اور باہمی اعتماد وقت کی اہم ترین ضرورت ہے، اداروں کی مضبوطی، ملکی ترقی، جمہوریت کے فروغ اورعوامی فلاح کیلئے ناگزیر ہے۔

ملک کے تمام اداروں میں ہم آہنگی اور باہمی اعتماد وقت کی اہم ترین ضرورت ہے۔ادروں کی مضبوطی ملکی ترقی،جمہوریت کے فروغ اورعوامی فلاح کیلئے ناگزیر ہے۔وزیراعظم عمران خان اورعسکری قیادت مل کراحسن اندازسے ملک کو درپیش چیلنجز سے نکال رہے ہیں۔ملک معاشی استحکام اور ترقی کی منزل پر گامزن ہے

— Dr. Firdous Ashiq Awan (@Dr_FirdousPTI) December 20, 2019

فردوس عاشق اعوان کا کہنا تھا کہ وزیراعظم عمران خان اورعسکری قیادت مل کراحسن اندازسے ملک کو درپیش چیلنجز سے نکال رہے ہیں ۔ ملک معاشی استحکام اور ترقی کی منزل پر گامزن ہے۔

گذشتہ روزمعاون خصوصی نے کہا کہ انصاف کی فراہمی یقینی بنانا ہمارے منشور کا اہم جزو ہےاور پاکستان تحریک انصاف قانون و آئین کے ساتھ کھڑی ہے۔

 ڈاکٹر فردوس عاشق اعوان نے اجلاس کے بعد میڈیا سے گفتگو کرتے ہوئے  کہا کہ پی ٹی آئی کور کمیٹی کے اجلاس میں قانونی ٹیم نے مشرف کیس کے فیصلے میں موجود قانونی سقم سے کور کمیٹی کو آگاہ کیا جبکہ کور کمیٹی کو سابق صدر پرویز مشرف کے خلاف فیصلے پر قانونی ٹیم نے بریفنگ دی۔

 معاون خصوصی برائے اطلاعات نے کہا کہ اجلاس میں وزیراعظم کا کہنا تھا کہ او آئی سی کے پلیٹ فارم سے 57 مسلم ممالک جڑے ہیں اور پاکستان کسی ایک ملک کے ساتھ نہیں بلکہ پوری امہ کے مفاد کے ساتھ کھڑا ہوگا۔

 ڈاکٹر فردوس عاشق اعوان نے یہ بھی کہا کہ پاکستان کسی انفرادی ملک سے نہیں مسلم امہ سے یکجہتی کا خواہاں ہے، پاکستان مسئلہ نہیں مسائل کا حل بننا چاہتا ہےاور ، مسلم امہ کو یکجا کرنے میں پاکستان اپنا کردار ادا کرتا رہے گا۔

 فردوس عاشق اعوان کے مطابق وزیراعظم عمران خان نے  اجلاس میں یہ بھی کہا کہ ادارے ریاست کے ستون ہیں، پاکستان تحریک انصاف کی حکومت نے اپنے اداروں کو مضبوط کرنا ہے، ریاست کا مفاد ہرحال میں مقدم ہے۔