نسیم شاہ اپنی انجری کو شکست دے کر پوری قوت کے ساتھ ٹی ٹوئنٹی میں بھی دھماکے کرنے کو تیار ہیں۔

قومی کرکٹ ٹیم کے نوجوان فاسٹ بولر نسیم شاہ نے سماجی رابطے کی مائیکرو بلاگنگ ویب سائٹ ٹوئٹر اپنی ٹریننگ کی ویڈیو شیئر کی ہے۔

Back in full rhythm start preparations for t20 blast pic.twitter.com/PZaGAaM6So

— Naseem Shah (@iNaseemShah) April 30, 2022

اس ویڈیو کو شیئر کرتے ہوئے ان کا کہنا تھا کہ ’میں نے مکمل قوت کے ساتھ ٹی ٹوئنٹی میں دھماکے کرنے کی تیاریاں شروع کردی ہیں‘۔

واضح رہے کہ نوجوان فاسٹ بولر کائنٹی چیمپئن شپ میں گلوسٹر شائر کی جانب سے کھیلتے ہوئے کندھے کی انجری کا شکار ہوگئے تھے جس کے بعد انہوں نے اپنی انجری سے بھی چھٹکارا حاصل کرلیا ہے۔

اس سے قبل ان کا کہنا تھا کہ اب میں نے وائٹ بال کرکٹ کی ٹریننگ شروع کر دی ہے جس کے بعد اب میں وائٹیلٹی بلاسٹ میں حصہ لوں گا۔

یاد رہے کہ 19 سالہ نسیم شاہ نے 2019 میں بین الاقوامی کرکٹ میں قومی ٹیسٹ ٹیم میں ڈٰیبیو کیا تھا جبکہ وہ اب تک 11 ٹیسٹ میچز میں پاکستان کی نمائندگی کرچکے ہیں۔

انہوں نے 11 میچز میں 26 وکٹیں حاصل کی ہیں، علاوہ ازیں وہ پی ایس ایل میں کوئٹہ گلیڈی ایٹرز کی جانب سے بھی کھیل چکے ہیں۔