سابق وزیر داخلہ شیخ رشید نے کہا ہے کہ یہ بات ثابت ہوگئی کہ مداخلت سازش سے زیادہ خطرناک ہوتی ہے۔

سماجی رابطے کی ویب سائٹ پر اپنے ایک ٹوئٹ میں عوامی مسلم لیگ کے لیڈر شیخ رشید نے کہا ہے کہ دو ووٹوں کی اکثریتی حکومت دو ماہ میں ہی سیاسی طور پر ختم ہو جائے گی۔

pic.twitter.com/TAP9CKvDQf

— Sheikh Rashid Ahmed (@ShkhRasheed) May 6, 2022

شیخ رشید نے کہا ہے کہ عمران خان میانوالی جلسے میں لانگ مارچ کی تاریخ کا اعلان کریں گے، پھر لگ پتہ جائے گا سیاست آر ہوگی یا پار ہوگی۔

ان کا کہنا تھا کہ موجودہ حکومت کے لئے بہتر یہی ہے کہ 31 مئی سے پہلے پہلے نئے انتخابات کا اعلان کردیا جائے۔

انہوں نے اپنے پیغام میں کہا کہ جس سمراجی مراسلے کو جو عمران خان کی حکومت ختم کرنے کے خلاف سازش تھا اس کو حکومت بے بنیاد اور جعلی قرار دیتی تھی اور آج خود اپنے بیانیے کیخلاف تحقیقاتی کمیشن بنانے کا اعلان کر رہے ہیں جبکہ عمران خان جوڈیشل کمیشن کا مطالبہ کررہا ہے۔

شیخ رشید نے کہا کہ یہ بات ثابت ہوگئی کہ مداخلت کانسپرنسی سے زیادہ خطرناک ہوتی ہے جیسے کہ ا نگریز نے برصغیر میں کی اور ن لیگ کی طرف سے جلسوں کی ابتداء جلد الیکشن کی ایک کڑی ہے۔

خیال رہے کہ امیر خان سوانسی جنرل سیکرٹری پی ٹی آئی کے مطابق  میانوالی جلسہ عمران خان کی عوامی رابطہ مہم کے سلسلے میں جنرل بس ا سٹینڈ گراؤنڈ میں ہوگا۔

 جنرل سیکرٹری پی ٹی آئی نے بتایا ہے کہ  جلسہ گاہ میں ستر ہزار کرسی لگائی جائے گی جبکہ جلسہ گاہ میں دو لاکھ افراد آنے کی توقع ہے۔

امیر سوانسی کا کہنا ہے کہ میانوالی کی عوام عمران خان کے شانہ بشانہ کھڑی ہوئی ہے۔

اسکے علاوہ میانوالی کے آج ہونے والے  جلسے میں خواتین کے لیے الگ انتظام کیا گیا ہے۔