امریکہ میں خواتین فٹبالرز کو مردوں کے برابر معاوضہ ملے گا

ویب ڈیسک

19th May, 2022. 12:01 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

امریکہ میں خواتین فٹبالرز کو مردوں کے برابر معاوضہ ملے گا

واشنگٹن: امریکی ساکر فیڈریشن نے خواتین فٹبالرز کو مردوں کے برابر معاوضہ دینے کا اعلان کردیا ہے۔

غیر ملکی خبر رساں ادارے کے مطابق امریکہ کی ساکر فیڈریشن نے مرد اور خواتین فٹبالرز کی تنخواہوں میں متنازعہ فرق کو ختم کرنے کے لیے دونوں کو برابر معاوضہ دینے کا اعلان کیا ہے۔

اس حوالے سے امریکی ساکر فیڈریشن نے مردوں اور خواتین کی قومی ٹیم کے ساتھ معاوضہ کا ایک معاہدہ بھی کیا ہے جو حکام کے مطابق 2028 تک برقرار رہے گا۔

حکام کے مطابق فیفا ورلڈ کپ کی انعامی رقم بھی دونوں ٹیموں میں یکساں بانٹی جائے گی۔

امریکی خواتین فٹبال ٹیم پلیئرز ایسوسی ایشن کی صدر بیکی سوربرون کا کہنا ہے کہ مساوی تنخواہوں کی فراہمی سے قومی ٹیم کے کھلاڑیوں کی تربیت اور کھیل کے ماحول کو بہتر بنانے میں مدد ملے گی۔

واضح رہے کہ اس سے قبل امریکی عدالت نے 2020 میں خواتین فٹبال ٹیم کو مرد فٹبالرز کے مساوی معاوضہ دینے کی درخواست کو خارج کردیا تھا۔