شاہ محمود قریشی نے کہا ہے کہ 5 اگست کو مقبوضہ کشمیر میں مودی کی لگائی آگ پورے بھارت میں پھیل چکی ہے۔

تفصیلات کے مطابق وزیر خارجہ شاہ محمود قریشی کی زیر صدارت سابق خارجہ سیکرٹریز کا مشاورتی اجلاس ہوا جس میں مقبوضہ کشمیر میں بھارتی جارحیت اور علاقائی امن کی تشویشناک صورتحال پر تبادلہ خیال کیا گیا۔

کسی مسلمان کو بھارت سے نکالا تو اپنے سینے پر گولی کھاؤں گا

ذرائع کے مطابق شاہ محمود قریشی نے کہا ہے کہ مودی سرکار کی ہندوتوا سوچ نے ہندوستان کو تقسیم کر دیا، 5 اگست کو مقبوضہ کشمیر میں لگائی گئی آگ آج پورے بھارت میں پھیل چکی ہے۔

اس کے ساتھ ساتھ وزیر خارجہ نے مقبوضہ کشمیر کی صورتحال پر صدر سیکورٹی کونسل کو لکھے خط کے مندر جات سے آگاہ کیا، دوران اجلاس اہم خارجہ پالیسی امور پر اس مشاورتی سلسلے کو تواتر کے ساتھ جاری رکھنے پر اتفاق کیا گیا۔

وزیر خارجہ کا کہنا ہے کہ مقبوضہ کشمیر میں کرفیو کو 144 دن گزر چکے ہیں، بھارت نے کشمیر میں ذرائع مواصلات پر پابندی کے ذریعے حقائق تک رسائی سے محروم رکھا، سیکولر بھارت کے حامی ترمیمی شہریت کے امتیازی قانون اور این آر سی کیخلاف سراپا احتجاج ہیں۔

شاہ محمود قریشی نے کہنا ہےکہ بھارت اپنے داخلی انتشار سے توجہ ہٹانے کیلئے ایل او سی کی مسلسل خلاف ورزیاں کر رہا ہے، پاکستانی مسلح افواج اور قوم کا بچہ بچہ اس ارض وطن کی حفاظت کیلئے پرعزم ہے۔

انھوں نے کہا کہ پاکستان مقبوصہ کشمیر میں جاری بھارتی مظالم کو ہر پلیٹ فارم پر بے نقاب کر رہا ہے۔

وزیرِ خارجہ مخدوم شاہ محمود قریشی نے اس مو قع پر قازقستان میں پیش آنے والے طیارہ حادثے پربھی گہرے دکھ کا اظہار کیا ۔

دفتر ِخارجہ سے جاری کیے گئے بیان میں وزیرِ خارجہ مخدوم شاہ محمود قریشی نے کہا کہ قازقستان طیارہ حادثے میں ہونے والے جانی و مالی نقصان پر دل گرفتہ ہیں۔