کراچی میں بھارتی وزیراعظم نریندر مودی مخالف پوسٹر آویزاں ہوئے ہیں جن میں مودی کو پاکستان کا دشمن اور کشمیر کا  قاتل کہا گیا ہے۔

تفصیلات کے مطابق کراچی کے علاقے گلستانِ جوہر کے مرکزی جوہر چورنگی سگنل پر بھارتی وزیر اعظم نریندر مودی مخالف پوسٹر آویزاں ہوئے ہیں جن میں مودی کو ’پاکستان کا دشمن ا ور کشمیر کا  قاتل کہا گیا ہے۔

ذرائع کا کہنا تھا کہ نیو ایئر نائٹ پر لگائے گئے ان پوسٹرز پر تحریر کردہ عبارت میں لوگوں کو ٹریفک قوانین پر عملدرآمد کرنے اور ٹریفک سگنل پر انتظار کرنے کی تلقین کے ساتھ ساتھ اس دوران انڈین وزیراعظم نریندر مودی کو برا بھلا کہنے کا بھی کہا گیا ۔

ان پوسٹرز کے ذریعے لوگوں کی توجہ انڈین حکومت کی جانب سے کشمیریوں اور انڈیا میں بسنے والے مسلمانوں کے ساتھ امتیازی سلوک کی طرف مبذول کروائی گئی ہے۔

کچھ پوسٹرز پر مودی کو ’ذرائع کا یہ بھی کہنا تھا کہ ان پوسٹرز لگانے کا مقصد لوگوں سے اپیل کرنا ہے کہ وہ ان مظالم کے خلاف آواز اٹھائیں اس سے پہلے کہ دیر ہو جائے۔

بھارتی فوج کو منہ توڑ جواب دینے پر وزیراعظم کا پاک فوج کو سلام

علاوہ ازیں ان پوسٹرز پر ہیشٹیگ see it# لکھا ہوا ہے جو اس سے پہلے کسی تنظیم یا ادارے نے اپنی پہچان کے طور پر استعمال نہیں کیا اس لئےا  س حوالے سے ابھی تک کچھ معلوم نہیں ہو سکا  کہ یہ یہ پوسٹرز کس ادارے، تنظیم یا گروپ کی جانب سے لگائے گئے ہیں ۔

دوسری جانب ان پوسٹرز کی تصاویر سوشل میڈیا پر بھی وائرل ہورہی ہیں اور سوشل میڈیا پر صارفین اس حوالے سے مختلف رائے کا اظہار کررہے ہیں۔

گلستان جوہر کے رہائشیوں کہنا ہے کہ یہ پوسٹرز رات گئے آویزاں کیے گئے ہیں کیونکہ رات 12 بجے کے قریب تو یہ پوسٹرز نہیں تھے جبکہ یہ پوسٹرز ابھی بھی آویزاں ہیں ۔