سابق وفاقی وزیر شاہ محمود قریشی نے کہا ہے کہ پرامن احتجاج پر جھوٹے مقدمات کا اندراج  امپورٹڈ حکمرانوں کی بوکھلاہٹ کا منہ بولتا ثبوت ہے۔

سابق وزیر خارجہ شاہ محمود قریشی نے عدالت پیشی کے بعد میڈیا سے گفتگو کرتے ہوئے کہا کہ پرامن مظاہرین کو جبر و تشدد کا نشانہ بنانے والےاحتساب سے نہیں بچ سکیں گے۔

انہوں نے کہا کہ ہمیں عدلیہ سمیت اپنے اداروں پر مکمل اعتماد ہے کہ وہ ہمیں انصاف فراہم کریں گے۔

انہوں نے مزید کہا کہ پی ٹی آئی کی قیادت جھوٹی ایف آئی آر میں پیش ہوئی ہے جس پر ہمارے وکلاء نے درخواست  کی کہ ہمارے ضمانت منظور کی جائے۔

 شاہ محمود قریشی کا کہنا تھا کہ یہ حکومت کی پنجاب میں ضمنی انتخابات کے خلاف منصوبہ بندی ہے کہ تمام رہنما کیسز میں ملوث ہوں۔

ان کا کہنا تھا کہ  حکومت کی جانب سے ہمیں من گھڑت کیسز میں پھسایا گیا لیکن ہم عدالت سے انصاف کی امید کرتے ہیں۔

اس سے قبل میڈیا سے گفتگو کرتے ہوئے شیخ رشید نے کہا کہ حکومت چین سے امداد ملنے کا شور ڈال رہی ہے جبکہ چین سے امداد پاک فوج کی وجہ سے ملی ہے۔

انہوں نے کہا کہ لاہور اور فیصل آباد میں ضمنی انتخابات میں عوام نے فیصلہ کرنا ہے جس کے بعد دھڑم کرکے گر جائے گی کیونکہ اکثریت اس حکومت سے جان چھڑانا چاہتی ہے۔

خیال رہے کہ پی ٹی آئی لانگ مارچ کے دوران تھوڑ پھوڑ کے معاملے پر اسد عمر، شاہ محمود قریشی، شیخ رشید سمیت 38 ملزمان کی عبوری درخواست ضمانت پر سماعت آج ہو رہی ہے۔

سیشن جج کامران بشارت مفتی درخواست ضمانتوں پر کچھ دیر بعد سماعت نے کی تاہم پی ٹی آئی رہنماؤں کی پیشی کے دوران سیکورٹی کے سخت انتظامات کئے گئے۔