انگلینڈ نے نیوزی لینڈ کو تین ٹیسٹ  میچز کی سیریز میں وائٹ واش کردیا۔

تفصیلات کے مطابق لیڈز ٹیسٹ میں انگلینڈ نے نیوزی لینڈ کو با آسانی 7 وکٹوں سے شکست دے سیریز اپنے نام کی۔

جو روٹ (86) اور بیئر اسٹو (71) نے 111 رنز کی ناقابل شکست شراکت قائم کرکے ٹیم کو فتح سے ہمکنار کروایا۔بیئر اسٹو نے جاحانہ اننگز کھیلی اور انگلینڈ کی جانب سے ٹیسٹ کرکٹ میں دوسری تیز ترین نصف سنچری بنائی۔

اولی پوپ 82، زیک کرولی 25 اور ایلکس لیس 9 رنز بناکر آؤٹ ہوئے۔

نیوزی لینڈ کی جانب سے ٹم ساؤتھی اور مائیکل بریسویل نے ایک ایک وکٹ حاصل کی۔

GET IN! 🦁

A 3⃣-0⃣ series whitewash!

Scorecard/clips: https://t.co/AIVHwazVYX

🏴󠁧󠁢󠁥󠁮󠁧󠁿 #ENGvNZ 🇳🇿 pic.twitter.com/uzxXaTN357

— England Cricket (@englandcricket) June 27, 2022

اس سے قبل نیوزی لینڈ ٹیم اپنی دوسری اننگز میں 326 رنز بناکر  آل آؤٹ ہوگئی تھی اور انگلینڈ کو جیت کے لیے 296 رنز کا ہدف ملا تھا۔

ٹام بلنڈیل 88 رنز بناکر ناقابل شکست رہے تھے۔ٹام لیتھم 76، ڈیرل مچل 56 اور کپتان کین ولیمسن 48 رنز بناکر نمایاں رہے تھے۔

انگلینڈ کی جانب سے جیک لیچ نے 5، میتھیو پوٹس نے 3 جبکہ جیمی اوورٹن اور جو روٹ نے ایک ایک وکٹ حاصل کی تھی۔

یاد رہے کہ نیوزی لینڈ نے ٹاس جیت کر بیٹنگ کرنے کا فیصلہ کیا تھا اور پہلی اننگز میں  ڈیرل مچل (109) کی سنچری اور ٹام بلنڈیل (55) کی نصف سنچری کی بدولت 329 رنز بنائے تھے۔

انگلینڈ کی جانب سے جیک لیچ نے 5، اسٹورٹ براڈ نے 3 جبکہ میتھیو پوٹس اور جیمی اوورٹن نے ایک ایک وکٹ حاصل کی تھی۔

There was only one way to win it really wasn't there? 😃

Scorecard/clips: https://t.co/AIVHwaRwQv

🏴󠁧󠁢󠁥󠁮󠁧󠁿 #ENGvNZ 🇳🇿 pic.twitter.com/KZ9UGAtMap

— England Cricket (@englandcricket) June 27, 2022

انگلینڈ ٹیم اپنی پہلی اننگز میں  جونی بیئر اسٹو  (162)اور  جیمی اوورٹن (97) کی ٹیسٹ کرکٹ میں ساتویں وکٹ کے لیے نویں بہترین پارٹنرشپ  کے سبب برتری حاصل کرنے میں کامیاب رہی تھی۔

نیوزی لینڈ کی پہلی اننگز کے 329 رنز کے جواب میں صرف 55 رنز پر چھ وکٹیں گرنے کے بعد انگلینڈ ٹیم پر فالو آن کا خطرہ منڈلانے لگا تھا تاہم بیئر اسٹو اور اوورٹن نے241 رنز کی پارٹنرشپ قائم کرکے ٹیم کو مشکل سے نکال لیا تھا۔

جیمی اوورٹن اپنے ڈیبیو میچ میں 3 رنز کی کمی سے سنچری اسکور نہ کرسکے  تھےلیکن انتہائی مشکل حالات میں ان کی 97  رنز کی شاندار اننگز دہائیوں تک یاد رکھی جائے گی۔

انگلینڈ نے 360 رنز بناکر 31 رنز کی برتری حاصل کی تھی۔

اسٹورٹ براڈ  نے 42  اور کپتان بین اسٹوکس نے 18 رنز بنائے تھے۔ ان کے علاوہ کوئی کھلاڑی ڈبل فیگرز میں داخل نہ ہوسکا تھا۔

جیک لیچ 8، زیک کرولی 6، اولی پوپ اور جو روٹ 5،5، ایلکس لیس 4 اور بین فوکس بغیر کوئی رن بنائے آؤٹ ہوئے  تھے جبکہ میتھیو پوٹس ایک رن بناکر ناٹ آؤٹ رہے تھے۔

نیوزی لینڈ کی جانب سے ٹرینٹ بولٹ نے 4، ٹم ساؤتھی نے 3، نیل ویگنر نے 2 اور مائیکل بریسویل نے ایک وکٹ حاصل کی تھی۔

جیک لیچ کو میچ میں 10 وکٹیں حاصل کرنے پر میچ کا بہترین کھلاڑی قرار دیا گیا جبکہ سیریز میں 396 رنز بنانے اور ایک وکٹ  حاصل کرنے والے جو روٹ سیریز کے بہترین کھلاڑی قرار پائے۔