اسلام آباد: جولائی 2019 سے جون 2021 کے دوران کرنٹ لگنے سے شہریوں کی اموات کے معاملے پر نیپرا نے کوئٹہ الیکٹرک سپلائی کمپنی(کیسکو) پر 1 کروڑ روپے جرمانہ عائد کر دیا ہے۔
نیپرا علامیے کے مطابق مذکورہ مدت کے دوران بجلی کا کرنٹ لگنے سے 15 افراد کی ہلاکتیں ہوئی تھیں، جس پر نیشنل الیکٹرک پاور ریگولیٹری اتھارٹی (نیپرا) نے ہلاکتوں کی تحقیقات کے لئے 2 ممبران پر مشتمل کمیٹی تشکیل دی تھی۔
نیپراتحقیقاتی کمیٹی کی رپورٹ کے مطابق 15 میں سے 04 افراد کی اموات کیسکو کی وجہ سے ہوئی تھی، جس پر اتھارٹی نے نیپرا ایکٹ کے تحت کیسکو کو شوکاز نوٹس جاری کیا اور سماعت کا موقع بھی دیا۔
نیپرا اتھارٹی کے مطابق کیسکو ضابطہ اخلاق اورحفاظتی معیارات کو برقرار رکھنے کے لئے قانونی ذمہ داریاں سرانجام دینے میں ناکام رہا۔
نیشنل الیکٹرک پاور ریگولیٹری اتھارٹی کی جانب سے تحقیقات کے نتیجے میں کیسکو کوسوگوارخاندانوں کو 35 لاکھ روپے فی کس معاوضہ ادا کرنے اور سوگوار خاندانوں کو ملازمت دینے کی بھی ہدایت کی گئی۔
Advertisement
ساتھ ہی نیشنل الیکٹرک پاور ریگولیٹری اتھارٹی نے ہدایت جاری کی کہ معاوضے کی تفصیلات اتھارٹی کے ساتھ بروقت شیئر کی جائیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
