ایران کے سپریم لیڈرآیت اللہ خامنائی کاکہناہے کہ امریکا ہمیں نقصان پہنچاسکتا تھا مگرجواب میں اسے کہیں گنا زیادہ نقصان کا سامنا اٹھانا پڑے گا۔

غیرملکی خبرایجنسی کےمطابق عراق میں موجود دوامریکی فوجی اڈوں پرایران کے حملے کے بعد ایرانی سپریم لیڈرنےاپنے بیان میں خبردارکیا ہے کہ اگرامریکاکے اتحادی ممالک سے ایران پر حملہ کیا گیا تو انہیں بھی نشانہ بنائیں گے۔

خیال رہے ایران نے آج صبح عراق میں موجود امریکا کے دو فوجی اڈوں کو میزائلز سے نشانہ بنایا ہے۔

امریکا کے محکمہ دفاع کے مطابق ایران سے 12 بلیسٹک میزائیل داغے گئے جن سے الانبار اور اربیل میں امریکی فوجی اڈوں کو نشانہ بنایا گیا۔

ایران کاانتقامی حملہ، ’’سب اچھاہے‘‘ ٹرمپ کابیان

پینٹاگان کی طرف سے جاری ابتدائی بیان کے مطابق ایران نے امریکی اور اتحادی افواج کو نشانہ بنایا تاہم کسی جانی یا مالی نقصان کی تصدیق فی الحال نہیں کی گئی۔

امریکی میڈیا کے مطابق ایران کی جانب سے ہونے والے حملوں سے ہونے والے نقصان کی تفصیلات جمع کی جارہی ہیں۔

ایران کے امریکی فوجی اڈوں پر حملوں کے بعد صدر ڈونلڈ ٹرمپ نے قوم سے خطاب کرنا تھا سے فی الحال مؤخر کر دیا گیا ہے۔ وائٹ ہاؤس کے گرد سیکیورٹی میں اضافہ کر دیا گیا ہے۔

امریکی فیڈرل ایویشن نے مسافر طیاروں کومشرق وسطیٰ کی فضائی حددود استعمال کرنے سے منع کر دیا ہے۔

پاسداران انقلاب کی جانب سے جاری بیان میں کہا گیا ہے کہ امریکا کیخلاف شاہد سلیمانی آپریشن کا آغاز کیا گیا ہے اگر امریکہ مزید فوجیوں کو ہلاکت سے بچانا چاہتا ہے تو اس کو اپنی فوجی نکالنی پڑیں گی۔

خیال رہے کہ گزشتہ جمعے امریکہ نے عراق میں ایرانی جنرل قاسم سلیمانی کو ڈورن حملے میں ہلاک کر دیا تھا جو ایران امریکہ کشیدگی میں اضافے کا سبب بنا۔

جنرل قاسم سلیمانی کی ہلاکت کے بعد ایران نے بدلہ لینے کا اعلان کرتے ہوئے کہا تھا کہ وہ اپنے مجرموں کی زندگی مزید تلخ بنا دیں۔