برطانوی وزیراعظم بورس جانسن نےایران میں امریکی حملےکی حمایت کرتےہوئےایرانی جنرل قاسم سلیمانی کی ہلاکت کودرست قراردےدیا ہے۔

برطانوی وزیراعظم بورس جانسن نےامریکی حملے میں ایرانی جنرل قاسم سلیمانی کی ہلاکت کودرست قراردیتے ہوئےکہاہےکہ سلیمانی کے ہاتھ برطانوی فوجیوں کے خون سے رنگے تھے۔

برطانوی دارالعوام میں اظہارخیال کرتے ہوئے بورس جانسن نےاراکین کوبتایا کہ سلیمانی کے قتل کے بعد ایران کے عراق پرمیزائل حملوں میں کوئی برطانوی زخمی نہیں ہوا۔

ان کامزید کہناتھاکہ برطانیہ وہ سب کچھ کررہاہےجس سےخطےمیں برطانیہ کےمفادات کاتحفظ کیاجاسکتاہے۔

انہوں نےکہاکہ عراق میں امریکی فوج پر ایرانی حملےانتہائی لاپرواہی اورخطرناک تھے، ایران کو اب ایسی لاپرواہی اورخطرناک حملے دُہرانا نہیں چاہئیں اوردونوں ممالک کوفوری طورپرکشیدگی کم کرنی چاہیے۔

بورس جانسن نے الزام لگایا کہ جنرل قاسم سلیمانی یمن اور ایران کے حمایت یافتہ حوثیوں کی تحریک اور حزب اللہ کو مسلح کرنے میں ملوث تھے۔

جنرل قاسم سلیمانی کےبعدکیا ہوگا؟

بورس جانسن کامزید کہناتھاکہ جنرل سلیمانی نےشام کےصدر بشارالاسد کی حکومت کی بھی معاونت کی جس کابرطانوی فوجیوں پرحملے میں کردار ہے۔

بورس جانسن کاکہناتھاکہ انتہائی ذمہ دار لوگ یہ قبول کریں گےکہ امریکاکواپنے فوجی اڈوں اورلوگوں کےتحفظ کااختیارحاصل ہے۔

 واضح رہےکہ امریکی فضائی حملےمیں ایرانی پاسداران  انقلاب کی قدس  فورس کےسربراہ جنرل قاسم سلیمانی کی ہلاکت پربورس  جانسن نے ردعمل دیتےہوئے کہا تھاکہ جنرل سلمانی کےقتل پرافسوس نہیں کریں گےکیونکہ جنرل  قاسم سلیمانی برطانوی مشترکہ  مفادات کےلئےخطرہ قراردیاتھا ۔