نوازشریف کی طرف سےبھیجی گئیں رپورٹس ناکافی ہیں

ثمرا مظہر

14th Jan, 2020. 12:42 pm
شيئر
- Font size
  - Small
  - Medium
  - Large
- Dark Mode
- Save
- Print
- 0
  Comments

آرٹیکلز

Now Reading:

نوازشریف کی طرف سےبھیجی گئیں رپورٹس ناکافی ہیں

وزیرصحت پنجاب ڈاکٹریاسمین راشد نے کہاہے کہ نوازشریف کی طرف سے بھیجی گئیں رپورٹس ناکافی ہیں،25 دسمبر کونواز شریف کی ضمانت کی مدت ختم ہوگئی تھی۔

لاہور میں پریس کانفرنس کرتے ہوئےصوبائی وزیرصحت نے کہا کہ 27 دسمبر کونواز شریف کے وکیل نے میڈیکل رپورٹ بھجوائی تاہم25 دسمبر تک کسی قسم کی کوئی رپورٹ نہیں بھیجی گئی تھی۔ خواجہ حارث نے رپورٹ 27 دسمبر2019 کو بھیجی۔

صوبائی وزیر نے پریس کانفرنس میں بتایا کہ نوازشریف کی طرف سے بھیجی گئیں رپورٹس ناکافی ہیں، پرانی رپورٹوں کی سمری بنا کر ہمیں بھجوا دی گئی، میڈیکل بورڈ کے مطابق رپورٹ میں کوئی نئی چیز نہیں تھی۔

انہوں نے کہا کہ نوازشریف کوعلاج کیلئے 2 ہفتوں کی اجازت دی گئی، نواز شریف سزا یافتہ ہیں، عدالت نے علاج کیلئے ریلیف دیاتھا مگر وہ سیر سپاٹوں میں لگ گئے۔

ڈاکٹر یاسمین راشد نےکہا کہ کل نواز شریف کی ہوٹل میں کھانا کھاتے ہوئے تصویروائرل ہوئی،ان کی طبعیت ناساز ہے تو سیرسپاٹے کیوں کررہےہیں؟

وزیر صحت نے کہا کہ کیا ہوٹل میں بیٹھے نواز شریف کی عیادت کیلئے جانے پر اصرار ہورہا ہے؟کیا مریم نوازریسٹورنٹ میں تیماداری کیلئے جانا چاہتی ہیں؟کل نواز شریف کی تصویر دیکھی وہ ہوٹل میں بیٹھے چائے پی رہے تھے۔

ڈاکٹر یاسمین راشد کاکہناتھا کہ سابق وزیراعظم کوہم نے پیٹ اسکین کا مشورہ دیا لیکن انہوں نے انکار کردیاتھا۔