سابق وزراعظم اور چیئرمین پی ٹی آئی عمران خان کی جانب سے قوم سے براہ راست خطاب کرنے کا فیصلہ کیا گیا ہے۔

تفصیلات کے مطابق سابق وفاقی وزیر اور پی ٹی آئی رہنما فواد چوہدری نے اپنے ٹوئٹر اکاؤنٹ پر ایک پیغام جاری کیا ہے۔

چیرْمین تحریک انصاف عمران خان 5:15 منٹ پر اہم پریس کانفرنس کریں گے

— Ch Fawad Hussain (@fawadchaudhry) August 10, 2022

فواد چوہدری نے اپنے پیغام میں واضح کیا ہے کہ عمران خان آج شام میں 5بجکر 15 منٹ پر اہم پریس کانفرنس کریں گے جس دوران وہ تمام صورتحال پر قوم کو اعتماد میں لینگے۔

خیال رہے کہ بنی گالہ میں سابق وزیراعظم عمران خان کی زیر صدارت موجودہ صورتحال پر اجلاس جاری ہے جس میں اہم سیاسی رہنماؤں نے شرکت کو یقینی بنایا ہے۔

عمران خان کو شہباز گل کیخلاف کیس اور عدالتی کارروائی سے آگاہ کیا جائے گا جبکہ تیرہ اگست کو ہونیوالے جلسے سمیت دیگر اہم امور بھی زیر غور آئینگے ۔

اسکے علاوہ اجلاس میں پی ٹی آئی اپنا آئندہ کا لائحہ عمل طے کرے گی اور عمران خان راہنماوں کو گائیڈ لائن سے آگاہ کرینگے۔

شہباز گل کی گرفتاری کے متعلق اپنے خیالات کا اظہار کرتے ہوئے عمران خان نے کہا ہے کہ یہ گرفتاری نہیں، سراسر اغواء ہے۔

یہ گرفتاری نہیں، سراسر اغواء ہے! کسی جمہوریت میں کیا ایسے شرمناک واقعات ممکن ہیں؟ سیاسی کارکنان سے دشمنوں کا سا سلوک روا رکھا جارہا ہے۔ اور یہ سب بیرونی پشت پناہی سےمسلط کی جانےوالی مجرموں کی سرکار کو ہم سے تسلیم کروانے کیلئے کیا جارہا ہے۔ pic.twitter.com/3NYS1BCjtf

— Imran Khan (@ImranKhanPTI) August 9, 2022

انہوں نے کہا کہ سیاسی کارکنان سے دشمنوں کا سا سلوک روا رکھا جارہا ہے اور یہ سب بیرونی پشت پناہی سےمسلط کی جانےوالی مجرموں کی سرکار کو ہم سے تسلیم کروانے کیلئے کیا جارہا ہے۔