ہربھجن سنگھ کو گوتم گھمبیر پر کیے گئے آفریدی کے تبصرے پر مُسکرانا مہنگا پڑگیا ہے۔

ہربھجن سنگھ کی گوتم گھمبیر پر کیے گئے آفریدی کے تبصرے پر مُسکرانے کی ویڈیو وائرل ہوگئی جس پر بھارتی صارفین نے انہیں آڑے ہاتھوں لے لیا۔

بعد ازاں ٹرولرز کو جواب دیتے ہوئے ہربھجن سنگھ کا کہنا تھا کہ ’ہم صرف مذاق کررہے تھے، گوتم میرے لیے بڑے بھائیوں جیسے ہیں اور میں ہر بھارتی کھلاڑی کے ساتھ کھڑا ہوتا ہوں‘۔

انہوں نے کہا کہ سوشل میڈیا صارفین کو تو دوسروں کے کاموں میں صرف نقص نکالنا ہوتا ہے، مجھے یہ ثابت کرنے کی ضرورت نہیں کہ گوتم اور میرا کیا رشتہ ہے۔

انہوں نے ٹرولرز کو تنقید کا نشانہ بناتے ہوئے کہا کہ ’ان کا جو دل کرتا ہے وہ کرتے ہیں، میرا ان کو مشورہ ہے کہ جانوروں جیسا برتاؤ نہ کریں انسان بنے رہیں کیونکہ آپ انسان ہی پیدا ہوئے تھے۔

واضح رہے کہ ٹی ٹوئنٹی ایشیاکپ 2022 کے میچز جاری ہیں جس میں اتوار کو پاک بھارت مقابلہ ہوا، مقابلے سے قبل پاکستان اور بھارت کی مشترکہ نشریات میں شاہد خان آفریدی نے گوتم گھمبیر کے حوالے سے گفتگو کی تھی۔

https://twitter.com/biharshain/status/1563778871102967809?ref_src=twsrc%5Etfw%7Ctwcamp%5Etweetembed%7Ctwterm%5E1563778871102967809%7Ctwgr%5E514aa9ffc8416d4907cca5d9a19f3f14f8bb602a%7Ctwcon%5Es1_&ref_url=https%3A%2F%2Furdu.geo.tv%2Flatest%2F298138-

ان کا کہنا تھا کہ ’گوتم کے ساتھ ایک میچ میں ہونے والی لڑائی سے متعلق مجھے اب بھی پیغامات آتے ہیں جب کہ وہ ویڈٰیو اب بھی سوشل میڈیا پر موجود ہے‘۔

انہوں نے مزید کہا تھا کہ ’گوتم گھمبیر ایک ایسے کھلاڑی ہیں جنہیں پوری ٹیم ہی پسند نہیں کرتی‘ جب کہ شاہد آفریدی کی یہ بات سن کر ہربھجن سنگھ مُسکرا دیے تھے۔