وزیراعظم کے بھانجے کی عبوری ضمانت میں توسیع پر فیصلہ محفوظ ۔

تفصیلات کے مطابق انسداد دہشت گردی کی عدالت نے پی آئی سی حملہ کیس میں وزیراعظم عمران خان کے بھانجے حسان نیازی کی عبوری ضمانت میں توسیع پر فیصلہ محفوظ کرلیا ۔

ذرائع کے مطابق لاہور کی انسداددہشت گردی عدالت میں پی آئی سی حملہ کیس کی سماعت ہوئی۔

وزیرِاعظم کے بھانجے کی عبوری ضمانت میں توسیع

سماعت کے دوران عدالت نے استفسار کیا کہ کتنے افراد کی شناخت پریڈمکمل ہو چکی ہے۔

  تفتیشی افسر نے عدالت کو بتایا کہ عابد حسین،سیدزین، مزمل حسین ، علی جاوید،عبدالرحمان بٹ،اسامہ معاذ کی شناخت پریڈہو چکی ہے جبکہ سکندر صدیق، محمد اعظم ودیگرکی شناخت پریڈ مکمل نہیں ہوئی۔

تفتیشی افسر نے مزید  بتایا کہ فوٹو گرامیٹک ٹیسٹ کرانا ضروری ہے، تین لوگ رہتے ہیں جن کےفوٹو گرامیٹک ٹیسٹ نہیں ہوئے، تینوں افراد کو ٹیسٹ کرانےکیلئےپیر تک کا وقت دیتے ہیں۔

ذرائع کے مطابق عدالت نے حسان نیازی سمیت دس وکلا کی عبوری ضمانت پر فیصلہ محفوظ کرلیا۔

واضح رہے کہ لاہور کی انسداد ِدہشت گردی کی خصوصی عدالت نے وزیرِ اعظم کے بھانجے کی عبوری ضمانت میں 22 جنوری تک توسیع کی تھی۔

سماعت کے دوران حسان نیازی کے فوٹو گرامیٹک ٹیسٹ کی رپورٹ عدالت میں جمع کرا دی گئی جبکہ عدالت نے دیگر ملزمان وکلاء کو بھی شاملِ تفتیش ہونے اور فوٹو گرامیٹک ٹیسٹ کرانے کا حکم دیاتھا۔