وزیراعظم عمران خان نے کہا ہے کہ دنیاکومسئلہ کشمیرکی سنجیدگی کااحساس نہیں۔

تفصیلات کے مطابق وزیراعظم عمران خان نے امریکی ٹی وی کوانٹرویو دیتے ہوئے کہاہے کہ  مسئلہ کشمیر کے حل کی کوشش کرنا میرے لیے سب سے اہم ہے، دنیاکواس کااحساس نہیں کہ کشمیرکتناسنجیدہ مسئلہ ہے۔

وزیراعظم کی امریکی صدرکی صاحبزادی ایوانکاٹرمپ سےملاقات

ذرائع کے مطابق مقبوضہ کشمیر کی حالیہ صورتحال کے با رے میں عمران خان کا کہنا ہے  کہ مقبوضہ کشمیرمیں5اگست سے80لاکھ لوگوں پرکرفیونافذہے، سیاسی قیادت سمیت ہزاروں نوجوانوں کوگرفتارکیا گیا، بھارتی آرمی چیف نےآزادکشمیرکوبھارت کاحصہ ہونےکابیان دیا۔

وزیر اعظم نے کہا کہ یہ سنگین معاملہ ہے کیونکہ دونوں ملک جوہری طاقت ہیں دنیا کے طاقتور ملک کے صدر ہونے کے ناطے ٹرمپ معاملے میں مداخلت کریں، بھارتی وزیر اعظم مودی آر ایس ایس کے تاحیات رکن ہیں۔

وزیراعظم پاکستان نے انٹرویو میں سوالات کا جواب دیتے ہوئے کہا کہ بھارت میں ہندونظریات کاغلبہ ہےجسےہندوتواکہتےہیں، آرایس ایس بنانےوالےنازی ازم سےمتاثرتھے، آرایس ایس مسلمانوں کی نسل کشی پریقین رکھتی ہے،3باردہشت گرد قراردی گئی تنظیم بھارت میں حاوی ہوگئی ہے۔

عمران خان نے امریکا اور ایران  کے با رے میں پو چھے گئے سوال پرجواب میں کہا کہ امریکا،ایران میں تنازعہ تباہ کن ہوگا، ایران کاتنازعہ افغانستان سےکہیں مشکل ثابت ہوگا، تنازع کے فوجی حل پرانحصارنہیں کرنا چاہیے، ایرانی قیادت سےبات چیت میں محسوس کیاوہ مذاکرات کے حق میں ہیں۔

واضح رہے کہ وزیراعظم عمران خان  تین روزہ دورے  پر سوئٹزرلینڈ کے شہر ڈیووس میں مو جود ہیں ۔

وزیراعظم  کی امریکی صدر ڈونلڈ ٹرمپ سے ملاقات بھی ہوئی اوراس اہم ملاقات میں دو نو ں ممالک کے سیاسی و معاشی امو ر پر خو شگوار ما حول میں تبا دلہ خیال کیا گیا ۔