ٹرمپ انتطامیہ نےامریکا آنےوالی سیاحتی  حاملہ خواتین کےلیےنئی ویزاپابندیاں عائد کردیں ہیں۔

 غیرملکی خبررساں ادارے کے مطابق ٹرمپ انتظامیہ نے نئے سیاحتی ویزا قوانین کےتحت حاملہ خواتین کی امریکامیں داخلے پر پابندی عائد کردی۔

فیڈرل رجسٹرار کے نئے قوانین میں کہا گیا کہ ‘ایسی درخواست گزار خواتین کو سیاحت کا ویزا نہیں ملےجوحاملہ ہیں اوربچوں کی پیدائش امریکا میں چاہتی ہیں’۔

حاملہ خواتین صرف بچوں کی پیدائش کی خواہش مند نہیں ہوتی بلکہ ان کی نیت امریکا میں طبی سہولیات سے فائدہ اٹھانا ہوتا ہے۔

محکمہ داخلہ کی جانب سےجاری کردہ ہدایات کے مطابق جن خواتین کی طبی ضروریات ہیں وہ دیگرغیرملکیوں کی طرح امریکامیں داخل ہوتےوقت طبی امداد پرآنے والے تمام اخراجات برداشت کرنے کاثبوت پیش کریں۔

محکمہ خارجہ نے کہا کہ واشنگٹن بچے کے لیے امریکی شہریت حاصل کرنے کی نیت سے امریکا کا دورہ کرنا یا امریکا میں برتھ ٹورزم کے تحت خوشی یا تفریح کو جائز نہیں سمجھتا’۔

ویزا سے متعلق نئے قوانین کا اطلاق جمعے (24 جنوری) سے ہوگا۔

واضح رہےکہ امریکامیں بچوں کی پیدائش کی غرض سے آنے والی حاملہ خواتین کو قانونی حق حاصل ہوتا ہے۔

تاہم متعدد ایسے واقعات پیش آئے جن میں متعلقہ حکام نے برتھ ٹورزم ایجنسی کے آپریٹرز کو ٹیکس چوری اور فراڈ کے کیس میں گرفتار کیا ہے۔

امریکامیں پیدا ہونےوالابچہ ازخودامریکی شہری تصورکیاجاتاہےتاہم اب اس کی حوصلہ شکنی کےلیےسخت قوانین بنائےگئےہیں۔

بچوں کی پیدائش کےلیےآنےوالی بیشترخواتین روس اورچین سےتعلق رکھتی ہیں۔

واضح رہے کہ ڈونلڈ ٹرمپ کے صدر بننے کے بعد امریکی حکومت ہر طرح کے نقل مکانی اورامیگریشن کی حوصلہ شکنی کررہی ہے لیکن اس میں پیدائش کے بعد امریکی شہریت کا معاملہ اب سنگین صورتحال اختیار کرچکا ہے۔