وزیر اعظم عمران خان سمیت وفاقی  وزرا نے ترکی میں لرزہ خیز زلزلے سےجانی و مالی نقصان پر اظہارافسو س کرتے ہوئے کہا مشکل گھڑی میں ترک قیادت اور ترک عوام کے ساتھ ہیں۔

تفصیلات کے مطابق وزیر اعظم عمران خان نے سماجی رابطے کی ویب سائٹ ٹوئٹر پرٹویٹ کرتے ہوئے اپنے ترکی میں زلزلے سےجانی و مالی نقصان پراظہارافسوس

کرتے ہوئےکہا ہے کہ مشکل گھڑی میں ترک قیادت اور ترک عوام کے ساتھ  کھڑے ہیں۔

پاکستان کی جانب سےوزیراعظم عمران خان نے ترکی سےاظہاریکجہتی کرتے ہوئے غم زدہ خاندانوں سے ہمدردی کااظہار بھی کیا۔

دوسری جانب وزیر خارجہ شاہ محمود نے ترکی میں زلزلے سےجانی و مالی نقصان پر اظہارافسوس کرتے ہوئے جاں بحق افرادکی مغفرت اورزخمیوں کی جلد صحت یابی کی دعا کی اوران سے اظہار یکجہتی کرتےہوئےکہا کہ ترک بہن بھائیوں کےغم میں برابر کےشریک ہیں۔

Deeply saddened by the loss of so many precious lives and of hundreds injured in Turkey’s earthquake. Our thoughts and prayers are with the brotherly people and government of Turkey. Pakistan stands by them and is ready to lend any assistance in this hour of need.

— Imran Khan (@ImranKhanPTI) January 25, 2020

وزیراعلیٰ پنجاب عثمان بزدار نے بھی ترکی میں زلزلےسےجانی نقصان پراظہارافسوس کرتے ہوئے کہادکھ کی گھڑی میں غمزدہ ترک بھائیوں کے ساتھ ہیں، تمام ہمدردیاں جاں بحق افراد کےلواحقین اور زخمیوں کے ساتھ ہیں، سوگوار خاندانوں کے غم میں برابر کے شریک ہیں۔

خیال رہے ترکی کےجنوبی مشرقی علاقوں میں چھ اعشاریہ آٹھ کی شدت کازلزلہ آیا، زلزلے کے نتیجے میں متعددعمارتیں زمین بوس ہوگئیں، مختلف حادثات میں اب تک ہلاکتوں کی تعداد 18 اور زخمیوں کی تعدادپانچ سوسےتجاوزکرچکی ہے۔

زلزلے سے متاثرہ عمارتوں کےملبےتلےسیکڑوں افرادکےدبےہونےکاخدشہ بھی ہے۔ زلالے کے بعد اسپتالوں میں ایمرجنسی نافذکردی گئی ہے اور منہدم عمارتوں میں پھنسے افراد کو نکالنے کیلئے امدادی کارروائیاں جاری ہے۔

غیرملکی میڈیا کے مطابق زلزلےکے جھٹکےترکی کے ہمسایہ ممالک ایران ،شام اور لبنان میں بھی محسوس کئےگئے، امریکی جیولوجیکل سروے کے مطابق زلزلےکی گہرائی دس کلومیٹر تھی۔