پاکستان میں بجلی سے چلنے والا الیکٹرک رکشہ تیار
پاکستان میں بجلی سے چلنے والا الیکٹرک رکشہ تیار کر لیا گیا ہے، اس رکشے کو لانچ کرنے کیلئے لاہور میں تقریب منعقد ہوئی ۔
تفصیلا ت کے مطابق الیکٹرک رکشہ کو لانچ کرنے کی میں تقریب لاہور میں ہوئی جہاں وزیراعظم عمران خان کے مشیر برائے موسمیاتی تبدیلی ملک امین اسلم نے بھی شرکت کی۔
اس موقع پر اپنے خطاب میں امین اسلم کا کہنا تھا کہ کسی بھی پراجیکٹ کی کامیابی کا دارومدار اس کے خریدار کے مالی فائدے پر ہوتا ہے۔
انہوں نے کہاکہ اگر اس رکشے سے خریدار کو فائدہ ہوگا تو ہم عام رکشوں کو بھی بجلی سے چلنے والا بنا سکتے ہیں۔
لانچنگ تقریب میں مشیر وزیر اعظم برائے ماحولیات امین اسلم نے کہا کہ جلد ہی الیکٹرک وہیل پالیسی مکمل طور پر نافذ کریں گے اس سلسلے میں حکومت مختلف غیر ملکی کمپنیوں سے رابطے کرچکی ہے۔
تقریب میں شریک صنعتکار نے کہا کہ حکومت نے سرپرستی کی تو سڑکوں پر صرف الیکٹرک رکشا ہی نظر آئے گا جو ماحول دوست دوست ہونے کے ساتھ توانائی کی بچت میں بھی کردار ادا کرے گا۔
رکشہ بنانے والی کمپنی کا کہنا تھا کہ اگر حکومت ہماری سرپرستی اور حوصلہ افزائی کرے تو مزید رکشے بھی بنائے جاسکتے ہیں جبکہ یہ کمپنی مستقبل میں الیکٹرک کار بنانے کا ارادہ بھی رکھتی ہے۔
علاوہ ازیں ماہرین کا کہنا ہے کہ مقامی طور پر تیار کیے گئے، اِس رکشے سے نہ صرف ہمارا ایندھن بچے گا بلکہ یہ ہمارے ماحول کے لیے بھی بہت سازگار ثابت ہوگا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News