بالی ووڈ سپر اسٹار شاہ رخ خان نے انکشاف کیا ہے کہ وہ جون 2024 میں اپنی اگلی فلم کی شوٹنگ کا آٖغاز کرنے جا رہے ہیں۔

سال 2023 میں انڈسٹری کو جوان، پٹھان اور ڈنکی جیسی کامیاب فلمیں دینے والے شاہ رخ خان کا خیال ہے کہ وہ اپنی اگلی فلم پر کام شروع کرنے سے پہلے ‘تھوڑا آرام’ کرنا چاہتے ہیں۔

اپنے ایک بیان میں سپر اسٹار نے اپنے اگلے پروجیکٹ کے متعلق ایک اپ ڈیٹ شیئر کی اور کہا، میں تین فلمیں کر چکا ہوں اور ان سب کے لیے بہت زیادہ جسمانی مشقت کی ضرورت تھی جس کے بعد میں نے محسوس کیا کہ میں تھوڑا آرام کرنا چاہتا ہوں۔

فی الحال، وہ جاری انڈین پریمیئر لیگ میں اپنی کرکٹ ٹیم کولکتہ نائٹ رائیڈرز کے لیے حمایت کے ستون کے طور پر کھڑے ہیں اور اس حوالے سے بات کرتے ہوئے شاہ رخ خان کا کہنا تھا کہ مسلسل کام کرنے کے بعد انہوں نے مختصر وقفہ لینے اور اپنی آئی پی ایل ٹیم پر توجہ مرکوز کرنے کا فیصلہ کیا۔

انہوں نے مزید کہا کہ میں نے پوری ٹیم سے کہا کہ میں ان کے میچوں میں آؤں گا اور یہاں آکر مجھے خوشی ہوتی ہے۔

شاہ رخ کو آخری بار بڑے پردے پر تاپسی پنو کے ساتھ راجکمار ہیرانی کی فلم ڈنکی میں دیکھا گیا تھا اور اگر میڈیا رپورٹس پر یقین کیا جائے تو وہ اگلی فلم کنگ میں اپنی بیٹی اداکارہ سہانا خان کے ساتھ اسکرین پر نظر آئیں گے تاہم، میکرز کی طرف سے اس سے متعلق ابھی تک کوئی باضابطہ تصدیق نہیں ہوئی ہے۔

اطلاعات کے مطابق، شاہ رخ خان سلمان خان کے ساتھ ٹائیگر بمقابلہ پٹھان میں اسکرین اسپیس شیئر کرتے نظر آئیں گے جس میں ٹائیگر (سلمان) شاہ رخ کے کردار پٹھان کے ساتھ جلوہ گر ہوں گے۔

خیال رہے کہ تقریباً پانچ سال کے بعد، شاہ رخ خان نے جنوری 2023 میں سدھارتھ آنند کی پٹھان کے ساتھ سلور اسکرین پر واپسی کی تھی جس نے باکس آفس کے کئی ریکارڈ توڑے اور سال کی سب سے زیادہ کمائی کرنے والی فلموں میں سے ایک بن گئی۔