وزیراعظم عمران خان کے زیر صدارت کا بینہ کا اجلا س اختتام پذیر ہو گیا ہے ۔

کابینہ اجلاس میں فیصلہ کیا گیا ہے کہ گورنر اور وزیر اعلی مل بیٹھ کر آئی جی سندھ کا معاملہ حل کریں۔

 وفاقی کابینہ نے آئی جی سندھ کا معاملہ گورنر اور وزیر اعلیٰ سندھ کے سپرد کردیا ہے۔

ذرائع کے مطابق وزیراعظم عمران خان کی زیرصدارت وفاقی کابینہ کے اجلاس میں ملکی سیاسی اور معاشی صورتحال کا بھی جائزہ لیا گیا ۔

کرونا وائرس سے نمٹنے کے لیے وزیراعظم کا اہم اقدام

واضح رہے کہ وفاقی کابینہ کے اجلاس کا 15 نکاتی ایجنڈا جاری کیا گیا تھا جس میں آئی جی پولیس سندھ کی تقرری کی منظوری بھی شامل تھی۔

اجلاس میں صدرپاکستان اوروزیراعظم کی تنخواہوں میں اضافے اور مراعات کے ایکٹ میں ترمیم کی منظوری پر بھی غور کیا گیا ۔

ذرائع کے مطابق وفاقی کابینہ کے اہم اجلاس میں پچاس لاکھ گھروں کی تعمیر کے لیے ایم او یو پر دستخط کی منظوری بھی ایجنڈے میں شامل تھی۔

وفاقی کابینہ کوادارہ جاتی اصلاحات سےمتعلق بریفنگ دی گی  جبکہ 8 اور 20 جنوری کےای سی سی اجلاسوں کےفیصلوں اور 8جنوری کوکابینہ کمیٹی توانائی اجلاس کے فیصلوں کی توثیق پر بھی غور کیا گیا۔

واضح رہے کہ گذشتہ ہفتے وزیراعظم عمران خان کے دورہ ڈیووس کے باعث وفاقی کابینہ کا اجلاس نہیں ہوا تھا۔