آئی سی سی ٹی ٹوئنٹی ورلڈ کپ کے پہلے سیمی فائنل میں پاکستان نے نیوزی لینڈ کو 7 وکٹ سے شکست دے کر فائنل میں رسائی حاصل کرلی۔
سڈنی کرکٹ اسٹیڈیم میں کھیلے گئے ٹی ٹوئنٹی ورلڈکپ کے پہلے سیمی فائنل میں نیوزی لینڈ نے پہلے بیٹنگ کرتے ہوئے مقررہ 20 اوورز میں 4 وکٹ کے نقصان پر 152 رنز بنائے جس کے جواب میں پاکستان نے بابراعظم اور محمد رضوان کی نصف سنچریوں کی بدولت آخری اوور میں ہدف حاصل کیا۔
❌ Lost to 🇮🇳 by 4 wickets
❌ Lost to 🇿🇼 by 1 run
✅ Beat 🇳🇱 by 6 wickets
✅ Beat 🇿🇦 by 33 runs (DLS)
✅ Beat 🇧🇩 by 5 wickets
✅ Beat 🇳🇿 by 7 wicketsThey stuttered at the start, but Pakistan are now in the #T20WorldCup final! #NZvPAK
Advertisement— ESPNcricinfo (@ESPNcricinfo) November 9, 2022
پاکستان کی جانب سے کپتان بابراعظم اور محمد رضوان نے ایک بار پھر شاندار شراکت قائم کرتے ہوئے ٹیم کو پراعتماد آغاز فراہم کیا، دونوں اوپنرز نے انتہائی اہم میچ میں 105 رنز کی شراکت قائم کی۔
First pair to record three 💯 stands in T20 World Cups 🤝💚#WeHaveWeWill | #T20WorldCup | #NZvPAK pic.twitter.com/LkDruwWzaO
— Pakistan Cricket (@TheRealPCB) November 9, 2022
اس دوران انہوں نے ٹی ٹوئنٹی ورلڈکپ کے دوران ایک اہم ریکارڈ بھی اپنے نام کرلیا۔ بابراعظم اور محمد رضوان ٹی ٹوئنٹی ورلڈکپ کے دوران 3 بار 100 رنز کی شراکت قائم کرنے والی واحد جوڑی بن گئی ہے۔
A strong start from the Pakistan openers 👊#T20WorldCup | #NZvPAK | 📝: https://t.co/LSzHXLy12f pic.twitter.com/O533HIXA7U
— ICC (@ICC) November 9, 2022
اس دوران دونوں بلے بازوں نے اپنی نصف سنچریاں بھی مکمل کیں تاہم کپتان بابراعظم 42 گیندوں پر 53 رنز کی ذمہ دارانہ اننگز کھیلنے کے بعد پویلین واپس لوٹ گئے۔ ان کی اننگز میں 7 چوکے شامل تھے۔
👑 @babarazam258 brings up his 30th T20I half-century! 🙌#WeHaveWeWill | #T20WorldCup | #NZvPAK pic.twitter.com/UVBIDJjavH
— Pakistan Cricket (@TheRealPCB) November 9, 2022
بعد ازاں محمد رضوان نے محمد حارث کے ساتھ ملکر اسکور بورڈ کو آگے بڑھایا تاہم وہ 43 گیندوں پر 57 رنز بنانے کے بعد آؤٹ ہوگئے۔ ان کی اننگز میں 5 چوکے شامل تھے۔
23rd T20I fifty for @iMRizwanPak and his 10th half-century in the format this year! 🙌#WeHaveWeWill | #T20WorldCup | #NZvPAK pic.twitter.com/GSZQjHLdta
— Pakistan Cricket (@TheRealPCB) November 9, 2022
محمد حارث نے 26 گیندوں پر 30 رنز کی اننگز کھیلی۔ نیوزی لینڈ کی جانب سے دونوں وکٹیں ٹرینڈ بولٹ کے حصے میں آئیں۔
اس سے قبل میگا ایونٹ کے پہلے سیمی فائنل کا ٹاس نیوزی لینڈ کرکٹ ٹیم کے کپتان کین ولیمسن نے جیت کر پہلے خود بیٹنگ کرنے کا فیصلہ کیا۔
نیوزی لینڈ کی جانب سے اننگز کا آغاز فن ایلین اور ڈیوڈ کونوے نے کیا تاہم شاہین آفریدی نے پہلے ہی اوور میں فن ایلین کو 4 رنز پر پویلین واپس بھیج دیا جس کے بعد ڈیوڈ کونوے بھی 21 رنز کی اننگز کھیلنے کے بعد رن آؤٹ ہوگئے۔
https://twitter.com/ICC/status/1590279930478485505
جارح مزاج بلے باز گلین فلپس صرف 6 رنز کے مہمان ثابت ہوئے. کپتان کین ولیمسن نے ذمہ داری کا مظاہرہ کرتے ہوئے ڈیرل مچل کے ساتھ اسکور بورڈ کو آگے بڑھایا تاہم کین ولیمسن 46 رنز پر ہمت ہار بیٹھے اور شاہین آفریدی کی گیند پر بولڈ ہوگئے۔
البتہ ڈیرل مچل نے اپنی اننگز کو آگے بڑھاتے ہوئے نصف سنچری اسکور کی، وہ 35 گیندوں پر 53 رنز بناکر ناٹ آؤٹ رہے ، ان کی اننگز میں 1 چھکا اور 3 چوکے شامل تھے جب کہ جمی نشام 16 رنز بناکر ناٹ آؤٹ رہے۔
Daryl Mitchell brings up his third T20I fifty 👏#T20WorldCup | #NZvPAK | 📝: https://t.co/LSzHXLy12f pic.twitter.com/P5zeS32c6t
Advertisement— ICC (@ICC) November 9, 2022
قومی ٹیم کی جانب سے شاہین آفریدی نے 2 اور محمد نواز نے ایک وکٹ حاصل کی۔
میچ سے قبل قومی ٹیم کے کپتان بابراعظم کا کہنا تھا کہ ہمارے پاس اچھے کھلاڑی ہیں، ہمارا اس میچ پر فوکس ہے، آخری تین میچز اچھے کھیلے، اس مومینٹم کو برقرار رکھیں گے جب کہ پچھلی جیت کی وجہ سے بہت زیادہ پُراعتماد ہیں۔
کیوی کپتان کین ولیمسن کا کہنا تھا کہ ہماری کوشش ہوگی بڑا ہدف دیکر پاکستان کو پریشر میں لیکر آئیں۔
پاکستانی پلینگ الیون
پاکستان کی جانب سے ٹیم میں کئی تبدیلی نہیں کی گئی ہے۔ قومی ٹیم بابراعظم کی قیادت محمد رضوان، شان مسعود، افتخار احمد اور محمد حارث، شاداب خان، محمد نواز، محمد وسیم جونیئر، شاہین شاہ آفریدی، نسیم شاہ اور حارث رؤف پر مشتمل ہے۔
نیوزی لینڈ کی پلینگ الیون
نیوزی لینڈ ٹیم میں کپتان کین ولیمسن ، فن ایلن ، ڈیرل مچل ، گلین فلپس ، ڈیون کونوے،ٹرینٹ بولٹ ، ٹم ساؤتھی ، لوکی فرگوسن ، جمی نیشم ، مچل سینٹنراور ایش سودھی شامل ہیں۔
واضح رہے کہ دوسرے سیمی فائنل میں ہندوستان کا مقابلہ جمعرات کو ایڈیلیڈ میں انگلینڈ سے ہوگا جب کہ فائنل اتوار کو میلبورن میں کھیلا جائے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News