بھارتی وزیر اعظم نریندر مودی نے پارلیمنٹ میں بتایا  ہے کہ انہوں نے بابری مسجد کی جگہ پر رام مندر کی تعمیر کے لئے ایک ٹرسٹ ‘شری رام جنم بھومی تیریتھا شیترا’ بنا دیا گیا ہے۔

تفصیلات کے مطابق بھارتی وزیر اعظم نریندر مودی نے پارلیمان میں کہا ہے کہ ایودھیا میں منہدم بابری مسجد کے مقام پر رام مندر کی تعمیر کے لیے ایک ایسا ٹرسٹ تشکیل دیا گیا ہے جو آزادانہ طور پر تعمیراتی کام کی نگرانی کرےگا۔

بھارتی سپریم کورٹ نے بابری مسجد اور رام مندر سے متعلق اپنے تاریخی فیصلے میں مرکزی حکومت کو مندر کی تعمیر کے لیے ٹرسٹ بنانے کے لیے تین ماہ کا وقت دیا تھا جو نو فروی کو ختم ہورہا تھا۔

بابری مسجد کیس،بھارتی سپریم کورٹ کامسجد کی جگہ مندر تعمیر کرنے کاحکم

واضح رہے کہ اس سے قبل بھارتی سپریم کورٹ نے بابری مسجد کا فیصلہ سناتے ہوئے مسجد کی زمین ہندوؤں کے حوالے کرنے کاحکم دیا تھا اور مرکزی حکومت کو رام مندر تعمیر کرنے کا حکم دیا تھا۔

بھارتی سپریم کورٹ کے چیف جسٹس رانجن گنگوئی کی سربراہی میں 5 رکنی بینچ نے بابری مسجد کیس کا فیصلہ سنایا،پانچ رکنی بنچ میں مسلمان جج ایس عبدالنذیر بھی شامل تھے۔

کیس کا فیصلہ سناتے ہوئے بھارتی سپریم کورٹ کےچیف جسٹس کاکہناہے کہ کہ بابری مسجد کیس کا فیصلہ متفقہ تھا۔

فیصلے میں کہا گیا تھا کہ ہندو ایودھیا کو رام کی جنم بھومی جب کہ مسلمان اس جگہ کو بابری مسجد کہتے ہیں۔

بھارتی سپریم کورٹ کا فیصلہ سناتے ہوئے کہنا تھا کہ عدالت کے لیے مناسب نہیں کہ وہ مذہب پر بات کرے، عبادت گاہوں کے مقام سے متعلق ایکٹ تمام مذہبی کمیونٹیز کے مفادات کا تحفظ کرتا ہے۔

بھارتی سپریم کورٹ کاکہناہےبادی النظرمیں جو شوہد ملے ان سےیہی پتاچلتا ہے کہ مسجد کی جگہ پر رام کی جنم بھومی تھی اوربابری مسجد کے نیچے اسلامی تعمیرات نہیں تھیں، بابری مسجد کوخالی پلاٹ پر تعمیر نہیں ہندو اسٹرکچر پرتعمیر کیا گیا۔