کرا چی کےعلاقے گلستان جوہرمیں نامعلوم افراد کی فائرنگ سے پولیس اہلکار جاں بحق ہوگیا۔

تفصیلات کےمطابق کراچی کےعلاقے گلستان جوہر میں واقع پہلوان گوٹھ میں مسلح افرادنےسعود آباد تھانےمیں تعینات پولیس اہلکار  رحمان علی پرگھرکےباہر فائرنگ کی۔

فائرنگ کے بعد زخمی اہلکار کو جناح اسپتال منتقل کیاگیاتاہم وہ دورانِ علاج دم توڑ گیا۔

پولیس کے مطابق ملزمان نے گھرکے باہرنصب سی سی ٹی وی کیمرےاورگیٹ پربھی گولیاں‌ ماریں، علاقہ مکینوں نےایک حملہ آور کو پکڑکرپولیس کے حوالے کردیا۔

دوسری جانب آئی جی سندھ ڈاکٹر کلیم امام نے واقعے کا نوٹس لیتے ہوئے ایس پی ایسٹ سے واقعے کی تفصیلات طلب کیں اور قاتلوں کی گرفتاری کےلیےہرممکن اقدامات کی ہدایت بھی کی۔ علاوہ ازیں گلشن حدید فیزون میں بھی فائرنگ کاواقعہ پیش آیا جس کے نتیجےمیں ایک شخص زخمی ہوا۔

واضح رہےکہ گزشتہ ماہ جنوری میں دوپولیس اہلکارجاں بحق ہوگئےتھے،جن میں سے ایک اہلکار نیو کراچی کی حدود میں واقع انڈسٹریل ایریا میں پولیس مقابلے کے دوران گولی لگنے سے شہید ہوا جس کی شناخت عرفان کے نام سے ہوئی تھی، جبکہ بلدیہ اتحاد ٹاؤن میں گشت پر مامور اہلکار پر ڈاکوں نے فائرنگ کردی تھی جس کے نتیجے میں اہلکار جاں بحق ہوگیا تھا جبکہ جوابی فائرنگ میں ایک ڈاکو مارا گیاتھا۔