وفاقی وزیر اور پیپلز پارٹی کی سینئر رہنما شازیہ مری نے کہا ہے کہ بینظیر انکم سپورٹ پروگرام ہزاروں غریب خاندانوں کو بچوں کی تعلیم و صحت کے لیے وظائف دے رہا ہے۔

بچوں کے عالمی دن کے موقع پر چیئرپرسن بینظیر انکم سپورٹ پروگرام شازیہ مری نے اپنے جاری کردہ  پیغام میں کہا کہ یہ وظائف بینظیر نشونما پروگرام اور بینظیر تعلیمی وظائف کے تحت دیئے جا رہا ہیں۔

‘سیلاب متاثرین بچے ہماری مدد کے لئے ترس رہے ہیں’

انہوں نے کہا کہ آج کے دن ہم کو یاد رکھنا ہے کہ حالیہ سیلابوں سے لاکھوں بچے بے گھر ہوئے، متاثرین بچے ہماری مدد کے لئے ترس رہے ہیں، آئیں مل کر ان مصیبت زدہ بچوں کی مدد کریں۔

شازیہ مری نے کہا کہ دنیا 20 نومبر کے دن کو بچوں کے عالمی دن کے طور پر مناتی ہے، یہ دن بچوں کے فلاح و بھبود کے لئے مل کر کام کرنے کے عزم کا دن ہے۔

‘آج ہم بچوں کی فلاح و بھبود کیلئے ملکر کام کرنے کے عزم کو دوہراتے ہیں’

چیئر پرسن بی آئی ایس پی کا کہنا ہے کہ بینظیر نشونما پروگرام کے ذریعے ماں و بچہ کو وٹامنز و منرلز کے ساشے دیے جاتے ہیں جو کہ بچوں صحتمند بناتے ہیں اور بینظیر تعلیمی وظائف کے ذریعے غریب خاندانوں کے بچوں کو وضائف دیے جاتے ہیں۔

 انہوں نے مزید کہا کہ بچیوں کو تھوڑی زیادہ اہمیت دی گئی ہے تاکہ غریب والدین ان کی تعلیم میں کوئی کسر نہ چھوڑیں۔ آج ہم ان بچوں کی فلاح و بھبود کے لئے مل کر کام کرنے کے عزم کو دوہراتے ہیں۔

وزیرِ خارجہ بلاول بھٹو زرداری نے بچوں کے عالمی دن پر پیغام دیتے ہوئے کہا کہ ہمارا سب سے قیمتی اثاثہ ہمارے بچے ہیں، بچوں کو تمام مطلوبہ سہولیات فراہم کرنا حکومت  کی ذمہ داری ہے۔

‘آج کے بچے کل کے لیڈر ہیں’

اس سے قبل وزیرِ خارجہ بلاول بھٹو زرداری نے بچوں کے عالمی دن پر پیغام دیتے ہوئے کہا کہ ہمارا سب سے قیمتی اثاثہ ہمارے بچے ہیں، بچوں کو تمام مطلوبہ سہولیات فراہم کرنا حکومت  کی ذمہ داری ہے۔

انہوں نے کہا کہ اس سے بچے آنے والی نسلوں کی بہبود کے لیے اپنی صلاحیتوں کو زیادہ سے زیادہ بروئے کار لاسکیں، تعلیم، صحت اور صاف ماحول بچوں کی بہتر نشونما  کے لیے ضروری ہیں۔

پی پی پی چیئرمین نے کہا کہ آج کے بچے کل کے لیڈر ہیں، بچوں کے ذہنوں کو رواداری اور ہم آہنگی کے ساتھ پروان چڑھانے کی ضرورت ہے۔