چین؛ آنگیانگ کی فیکٹری میں آتشزدگی، 38 افراد ہلاک

ویب ڈیسک

22nd Nov, 2022. 01:23 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چین؛ آنگیانگ کی فیکٹری میں آتشزدگی، 38 افراد ہلاک

چینی صوبے خنان کے شہر آنگیانگ کی ایک فیکٹری میں آتشزدگی کا واقعہ رپورٹ ہوا ہے جس میں 36 افراد کی ہلاکت رپورٹ ہوئی ہے۔

غیر ملکی خبر رساں ادارے کے مطابق چین کے صوبے خنان کے شہر آنگیانگ میں ایک فیکٹری میں آگ لگنے سے 38 افراد ہلاک اور دو زخمی ہوگئے ہیں۔

رپورٹ کے مطابق آنگیانگ کے ہائی ٹیک زون میں واقع ایک فیکٹری میں اچانک آگ بھڑک اٹھی جس نے عمارت کے بڑے حصے کو اپنی لپیٹ میں لے لیا۔

آگ کے باعث علاقے میں دھوئیں کے بادل چھا گئے جب کہ آتشزدگی سے ہلاک ہونے والے 38 افراد کی لاشوں اور متعدد زخمی افراد کو اسپتال منتقل کردیا گیا ہے۔

رپورٹ میں کہا گیا ہے کہ فیکٹری میں لگی آگ پر 63 فائرٹینڈرزنے کئی گھنٹوں کی جدوجہد کے بعد قابو پالیا ہے تاہم فیکٹری میں آگ لگنے کی وجہ تاحال معلوم نہیں ہوسکی ہے۔

حکام کے مطابق زخمیوں میں سے چند کی حالت تشویش ناک ہے اور ہلاکتوں میں اضافے کا خدشہ ہے۔

پبلک سیکیورٹی ڈپارٹمنٹ کے اہلکاروں نے آتشزدگی کا شکار فیکٹری سے کچھ مشتبہ افراد کو تحویل میں لیا ہے لیکن ان کی تفصیل نہیں بتائی گئی ہے۔