فیفا ورلڈکپ، ارجنٹینا کی میکسیکو کو 0-2 سے شکست

ویب ڈیسک

27th Nov, 2022. 11:12 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

فیفا ورلڈکپ، ارجنٹینا کی میکسیکو کو 0-2 سے شکست

فیفا ورلڈ کپ کے راؤنڈ میچ میں سعودی عرب سے شکست کے بعد ارجنٹینا نے میکسیکو کو 0-2 سے شکست دے کر گروپ میں دوسری پوزیشن حاصل کرلی ہے۔

تفصیلات کے مطابق قطر میں جاری فیفا ورلڈ کپ کے دوران لوسیل اسٹیڈیم میں گروپ سی کی ٹیمیں ارجنٹینا اور میکسیکو مدمقابل تھیں جس میں دونوں ٹیموں نے جارحانہ کھیل پیش کیا۔

پہلے ہاف میں کئی بار کوشش کرنے کے باوجود بھی کوئی بھی ٹیم گول کرنے میں ناکام رہی تاہم دوسرا ہاف ارجنٹینا کے نام رہا۔

ارجنٹینا کے کپتان لیونل میسی نے 64 ویں منٹ میں گول کرکے اپنی ٹیم کو سبقت دلوائی، بعد ازاں میچ کے اختتام سے 3 منٹ قبل ارجنٹینا کے اسٹرائیکر فرینڈنس نے گول کرکے یقینی جیت دلوادی۔

اس طرح ارجنٹینا نے یہ میچ 0-2 سے اپنے نام کیا جب کہ میکسیکو کی ٹیم نے بھی ارجنٹینا کے گول پوسٹ پر متعدد حملے کیے جو بے سود ثابت ہوئے۔

واضح رہے کہ اس سے قبل گروپ سی کے میچ میں ارجنٹینا کو سعودی عرب کے ہاتھوں اپ سیٹ شکست کا سامنا کرنا پڑا تھا تاہم دوسرا میچ جیتنے کے بعد گروپ میں دوسری پوزیشن حاصل کرلی ہے۔