امریکی سینٹرل کمانڈ اور امریکی سفارت خانے کی کابل دہشت گردی کی مذمت

ویب ڈیسک

02nd Dec, 2022. 11:38 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

امریکی سینٹرل کمانڈ اور امریکی سفارت خانے کی کابل دہشت گردی کی مذمت

امریکی سینٹرل کمانڈ اور امریکی سفارت خانے نے ایک ہی متن کے تحت کابل دہشت گردی کی مذمت کی ہے۔

جاری کردہ بیان کے مطابق ہم کابل میں پاکستانی مشن پر حملے کی شدید الفاظ میں مذمت کرتے ہیں، جس میں پاکستانی مشن کے سربراہ عبید نظامانی کو نشانہ بنایا گیا تھا۔

ترجمان کا کہنا ہے کہ ہم اپنی ہمدردی کا اظہار کرتے ہوئے زخمیوں کی جلد صحت یابی کی خواہش کرتے ہیں، ہم حملے کی مکمل اور شفاف تحقیقات کا مطالبہ کرتے ہیں۔

کابل میں پاکستانی سفارتی حکام پر فائرنگ

واضح رہے کہ کابل میں پاکستانی سفارتی حکام پر فائرنگ کا واقعہ پیش آیا ہے۔

سفارتی ذرائع کے مطابق افغان دارالحکومت کابل میں پاکستانی سفارتی حکام پر فائرنگ کے واقعے میں ایک ایس ایس جی گارڈ زخمی ہوا ہے جسے اسپتال منتقل کردیا گیا۔

سفارتی ذرائع کا کہنا ہے کہ زخمی ہونے والے گارڈ کو سینے میں 3گولیاں لگی ہیں تاہم فائرنگ کے نتیجے میں کوئی جانی نقصان نہیں ہوا۔

ذرائع کا کہنا ہے کہ جمعہ کے روز پاکستانی سفارتخانے میں چھٹی کے باعث رش نہیں تھا۔ فائرنگ اس وقت ہوئی جب پاکستانی ناظم الامور چہل قدمی کر رہے تھے۔

سفارتی ذرائع کا مزید کہنا ہے کہ پاکستانی ناظم الامور اور دیگر حکام کو وقتی طور پر پاکستان واپس بلایا جا رہا ہے۔