سندھ میں تیل و گیس کے نئے ذخائر دریافت

ویب ڈیسک

19th Dec, 2022. 08:09 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سندھ میں تیل و گیس کے نئے ذخائر دریافت

آئل اینڈ گیس ڈویلپمنٹ کمپنی لمیٹڈ نے سندھ کے علاقے سانگھڑ میں تیل و گیس کے نئے ذخائر دریافت کیے ہیں۔

آئل اینڈ گیس ڈویلپمنٹ کمپنی لمیٹڈ (او جی ڈی سی ایل) ایک پبلک لمیٹڈ کمپنی ہے جو ملک میں 5 دہائیوں سے تیل و گیس کی دریافت و پیداوار کررہی ہے۔

پاکستان اسٹاک ایکسچینج کو آئل اینڈ گیس ڈویلپمنٹ کمپنی لمیٹڈ کی جانب سے ایک نوٹس ارسال کیا گیا ہے جس میں سندھ کے علاقے سانگھڑ سے تیل و گیس کے نئے ذخائر دریافت ہونے کے بارے میں بتایا گیا ہے۔

یہ بھی پڑھیں: شمالی وزیرستان میں تیل و گیس کے نئے ذخائر دریافت

او جی ڈی سی ایل کا نوٹس میں کہنا تھا کہ 26 جون کو کنوے کی کھدائی کے لیے ڈرلنگ آپریشن شروع کیا گیا جس کے لیے 3 ہزار 400 میٹر کھدائی کی گئی۔

او جی ڈی سی ایل کے مطابق کنویں سے یومیہ 2 ہزار بیرل تیل اور 1.30 ملین کیوبک فٹ گیس نکالی جائے گی۔

اس حوالے سے کمپنی کا کہنا ہے کہ تیل و گیس کی دریافت سے ملکی معیشت پر مثبت اثرات مرتب ہوں گے۔

یہ بھی پڑھیں: تھر میں کوئلے کے ذخائر دریافت

کمپنی کا کہنا تھا کہ اس دریافت سے تیل و گیس کی طلب و رسد کے درمیان فرق کو کم کرنے میں مدد ملے گی جب کہ یہ او جی ڈی سی ایل کے ہائیڈروکاربنز کو بھی بڑھائے گا۔

واضح رہے کہ رواں سال کے شروع میں بھی او جی ڈی سی ایل نے سندھ کے علاقے ٹنڈو الہیار سے تیل و گیس کے ذخائر دریافت کیے تھے۔