عدالت نے عامر لیاقت کی نازیبا ویڈیو وائرل کرنے کے کیس میں دانیہ شاہ کی درخواست ضمانت 22 دسمبر تک ملتوی کردی۔

تفصیلات کے مطابق سٹی کورٹ کراچی میں جوڈیشل میجسٹریٹ شرقی مکیش کمار نے عامر لیاقت کی نازیبا ویڈیو وائرل کرنے کے الزام میں گرفتار ملزمہ دانیہ شاہ کی درخواست ضمانت پر سماعت کی۔ دانیہ شاہ کی والدہ وکیل کے ہمراہ عدالت میں پیش ہوئیں۔

عدالت نے ریمارکس دیے کہ جمعرات کے روز ایف آئی اے کے کیسز کی سماعت ہوتی ہے، آپکی درخواست پر ہم نے سماعت آج رکھی ہے۔

جوڈیشل مجسٹریٹ مکیش کمار نے ملزمہ کے وکیل سے استفسار کیا کہ ایف آئی اے پوری سٹی کورٹ میں ایک ہی پراسیکیوٹر ہے، اگر آپ دلائل دینا چاہتے ہیں تو ہم سننے کیلئے تیار ہیں۔

مزید پڑھیں؛ ڈاکٹر عامر لیاقت کی سابقہ اہلیہ بشریٰ اقبال نے دانیہ شاہ کی حقیقت بیان کر دی

ملزمہ دانیہ شاہ کے وکیل لیاقت گبول نے عدالت میں  موقف اختیار کیا کہ ملزمہ دانیہ بے گناہ اس وقت قید ہے، ہم چاہتے ہیں کہ ان کو ضمانت دی جائے۔

بعد ازاں عدالت نے کیس کہ سماعت 22 دسمبر تک کے لیے ملتوی کردی۔

ملزمہ دانیہ شاہ کے جسمانی ریمانڈ کی استدعا مسترد

خیال رہے کہ دو روز قبل عامر لیاقت کی نازیبا ویڈیوز وائرل کرنے کے کیس میں ملزمہ دانیہ شاہ کے جسمانی ریمانڈ کی استدعا مسترد کردی گئی تھی۔

جوڈیشل مجسٹریٹ جنوبی نے ملزمہ دانیہ شاہ  کے جسمانی ریمانڈ  کی استدعا مسترد کرتے ہوئے انہیں متعلقہ عدالت میں پیش کرنے کا حکم  جاری کردیا تھا۔

یہ بھی پڑھیں؛ عامر لیاقت کتنی جائیداد اور گاڑیاں پیچھے چھوڑ گئے؛ دانیہ شاہ کو کیا ملے گا؟ ڈاکٹرعامر لیاقت کے وکیل کے سنسنی خیز انکشافات

عدالت نے کہا کہ تفتیشی افسر کے مطابق ویڈیوز طارق روڈ تھانے کی حدود میں ریکارڈ کی گئی ہیں اور اگر مدعی مقدمہ نے ضلع جنوبی کی حدود میں یہ ویڈیوز دیکھی ہیں تو اسکی حیثیت نہیں ہے تاہم ویڈیوز تصاویر کی حقیقت معلوم کرنے کے لیے ضروری ہے متعلقہ عدالت میں پیش کیا جائے۔

واضح رہے کہ ایف آئی اے سائبر کرائم سرکل کی ٹیم نے لودھراں میں چھاپہ مار کر مرحوم ٹی وی اینکرپرسن عامر لیاقت حسین کی تیسری بیوی دانیہ شاہ کو گرفتار کیا تھا۔

ایف آئی اے حکام کا کہنا تھا کہ ملزمہ کو متنازعہ ویڈیو سوشل میڈیا پر اپ لوڈ کرنے کے جرم میں گرفتار کیا گیا ہے، مرحوم کی بیٹی نے ملزمہ کے خلاف شکایت درج کروائی تھیں۔