مشہور بالی ووڈ اداکارہ و ماڈل ملائیکہ اروڑا  کو ان کے بیٹے ارہان خان نے بھی لباس کے انتخاب پر ٹرول کردیا۔

حال ہی میں ملائیکہ اروڑا کے شو’موونگ ود ملائیکہ‘ میں ان کے بیٹے ارہان خان نے بطور مہمان شرکت کی۔

ملائیکا نے اس قسط میں سفید اور کالی لائنوں والے لباس کا انتخاب کیا جیسا اکثر ممالک میں جیل میں موجود قیدیوں کو پہنایا جاتا ہے، اور جو کہ لباس ٹیبل پر موجود رومال سے بھی مشابہ تھا۔

یہ بھی پڑھیں؛ ملائیکہ اروڑا کا ارجن کپور کو ڈیٹ کرنے سے متعلق تنقید کرنے والوں کو کرارا جواب

شو کے دوران ارہان نے والدہ کو کہا کہ ایسا لگ رہا ہے جیسا کہ آپ ایک قیدی ہوں۔

اس قسط میں کھانے کی ٹیبل پر ملائیکہ کی والدہ اور بیٹا بیٹھے گفتگو کر رہے ہیں جہاں ملائیکہ اپنی والدہ سے کہتی ہیں کہ ارہان مجھے کہہ رہے ہیں کہ میں نے ایسا (رومال جیسا) لباس کیوں پہنا ہوا ہے، جس کے بعد تینوں ہنسنے لگے۔

واضح رہے کہ ملائیکہ اروڑا اور اداکار ارجن کپور کے درمیان گزشتہ کئی سالوں سے قریبی تعلقات ہیں لیکن اب لگ رہا ہے کہ دونوں جلد ہی شادی کے بندھن میں بندھ جائیں گے۔

یہ بھی پڑھیں؛ ارباز خان سے طلاق کیوں لی؟ ملائیکہ اروڑا نے بلآخر خاموشی توڑ دی

اس سے قبل ملائیکہ اروڑا اداکار و پروڈیوسر ارباز خان سے رشتۂ ازدواج میں منسلک تھیں۔

شادی کے 19 سال بعد 2017ء میں ان کی طلاق ہوگئی تھی، ان دونوں کا ایک بیٹا ارہان ہے جو اس وقت اعلیٰ تعلیم کے حصول کے لیے ملک سے باہر ہے۔