تحریک عدم اعتماد میں اپوزیشن کو منہ کی کھانا پڑے گی، عمران خان

ویب ڈیسک

22nd Dec, 2022. 10:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

تحریک عدم اعتماد میں اپوزیشن کو منہ کی کھانا پڑے گی، عمران خان

سابق وزیراعظم اور چیئرمین پی ٹی آئی عمران خان نے کہا ہے کہ تحریک عدم اعتماد میں اپوزیشن کو منہ کی کھانا پڑے گی۔

تفصیلات کے مطابق سینئر صوبائی وزیر میاں اسلم اقبال کی زیر صدارت ایوان وزیراعلیٰ میں پی ٹی آئی پارلیمانی پارٹی کا اجلاس ہوا جس میں 160 سے زائد ممبران نے شریک کی۔

اجلاس میں موجودہ سیاسی صورتحال سمیت دیگر امور پر بات چیت کی گئی جبکہ اجلاس میں اسمبلیوں کی تحلیل میں حائل آئنی رکاوٹوں پر بھی مشاورت کی گئی۔

یہ بھی ضرور پڑھیں؛ عمران خان کی زیر صدارت گورنر کی جانب سے اعتماد کے ووٹ لینے پر اہم اجلاس

اجلاس میں سابق وزیراعظم اور چیئرمین پی ٹی آئی عمران خان نے ارکان اسمبلی سے ویڈیو لنک کے ذریعے خطاب کرتے ہوئے اراکین کو لاہور میں رہنے کی ہدایت دی جبکہ کل تمام ارکان کو پنجاب اسمبلی پہنچنے کی بھی ہدایت دی۔

عمران خان نے کہا کہ اپوزیشن کبھی بھی 186 ارکان پورے نہیں کر پائے گی، تحریک عدم اعتماد میں اپوزیشن کو منہ کی کھانا پڑے گی۔

سابق وزیراعظم اور چیئرمین پی ٹی آئی عمران خان نے مزید کہا کہ ہم ہر صورت اسمبلی سے نکلیں گے، تحریک عدم اعتماد کا مقابلہ کرنے کے بعد ہم اسمبلی تحلیل کردیں گے۔