قومی بیٹر فخر زمان نے نکاح کے بندھن میں بندھنے والے حارث رؤف کو دلچسپ انداز میں مبارک باد پیش کی ہے۔

پاکستان کرکٹ ٹیم کے بیٹر فخر زمان نے ویڈیو شیئر کرتے ہوئے دلچسپ انداز میں حارث رؤف کو نکاح کی مبارک باد پیش کی ہے جب کہ اس ویڈیو کو لاہور قلندرز کے آفیشل ٹوئٹر اکاؤنٹ سے شیئر کیا گیا ہے۔

@FakharZamanLive's message and advice for @HarisRauf14 on his Nikkah ceremony.#DamaDamMast #MainHoonQalandar #Dilse #SochnaBeManaHai #MereYaarKiShadiHai pic.twitter.com/UtsxKm6i2P

— Lahore Qalandars (@lahoreqalandars) December 24, 2022

ویڈیو پیغام میں انہوں نے کہا کہ ’آُپ بہت برے طریقے سے پھنس گئے ہو، بس میری دعا ہے کہ اللہ آپ کے لیے آسانی پیدا کرے اور اگلی جتنی زندگی ہے اللہ آپ کو ہمت دے کہ آپ سہہ سکو‘۔

فخرزمان کا حارث رؤف کو مشورہ دیتے ہوئے کہنا تھا کہ ’بس جیسے ہو ویسے ہی رہنا اور بھابھی کے سامنے زیادہ بڑی بڑی نہیں مارنا‘۔

انہوں نے مزید کہا کہ میں تو شادی شدہ ہو اور آپ کو اپنا تجربہ ہی بتاسکتا ہوں، میری نیک تمنائیں آپ دونوں کے ساتھ ہیں، اپنا خیال رکھنا۔

انہوں نے تقریب میں شرکت نہ کرنے پر حارث رؤف سے معافی بھی مانگی اور کہا کہ آپ کو تو معلوم ہے آج مجھے کہا جانا ہے۔

واضح رہے کہ قومی فاسٹ بولر حارث رؤف آج رشتہ ازدواج میں منسلک ہوگئے ہیں جب کہ انہوں نے اپنی کلاس فیلو اور معروف ماڈل مزنا مسعود سے نکاح کیا ہے۔

دونوں کے نکاح کی تصاویر سوشل میڈیا پر وائرل ہورہی ہیں جب کہ ان کے نکاح میں شاہین اور شاہد آفریدی سمیت دیگر کھلاڑیوں نے بھی شرکت کی ہے۔