وزیراعلیٰ گلگت بلتستان خالد خورشید کی چیئرمین پی ٹی آئی عمران خان سے زمان پارک لاہور میں ملاقات ہوئی ہے۔ 

ملاقات میں مجموعی ملکی سیاسی صورتحال پر تبادلہ خیال کیا گیا ہے۔

اس موقع پر وزیراعلیٰ گلگت بلتستان خالد خورشید نے وفاق پر مسلط امپورٹڈ حکومت کی جانب سے گلگت بلتستان کے بجٹ میں کٹوتی کے سبب صوبے میں پیدا مشکل صورتحال کے حوالے سے چیئرمین عمران خان کو آگاہ کیا۔

وزیراعلیٰ خالد خورشید نے چیرمین کو آگاہ کیا کہ وفاقی حکومت کی جانب پیدا کردہ معاشی مشکلات کے سبب گلگت بلتستان میں بجلی و گندم کا سامنا ہے جبکہ صوبائی حکومت محدود مالی وسائل کے باوجود عوام کی مشکلات میں کمی کے لئے کوشاں ہے۔

یہ بھی پڑھیں؛ عوام کی زندگیوں کو بہتر بنانا حکومت کا بنیادی ایجنڈا ہے، خالد خورشید

ملاقات میں چیئرمین پی ٹی آئی عمران خان نے گلگت بلتستان کے ساتھ وفاقی حکومت کے رویے کو قابل مذمت قرار دیتے ہوئے یقین دلایا کہ بہت جلد ہی ڈی ایم کی وفاقی حکومت سے چھٹکارا حاصل ہوگا، تحریک انصاف کی حکومت قائم ہوگی اور گلگت بلتستان کی تعمیر و ترقی اور صوبے کی عوام کی فلاح و بہبود ک سفر دوبارہ شروع ہوگا۔

یہ بھی پڑھیں؛ امپورٹڈ حکومت نے تاریخی ترقی کرتی معیشت کا پہیہ جام کر دیا ہے، عمران خان

عمران خان نے وزیراعلیٰ گلگت بلتستان کو ہدایت کی کہ گلگت بلتستان کے عوام کی مشکلات کی کمی کے لئے تمام دستیاب وسائل بروئے کار لائیں۔

اس موقع پر چیئرمین پی ٹی آئی عمران خان نے کہا کہ وفاق کی جانب سے گلگت بلتستان و دیگر صوبوں کے معاشی استحصال کو ہر فورم پر بے نقاب کیا جائے گا جبکہ پورے ملک کی مشکلات کا حل وفاق پر مسلط پی ڈی ایم حکومت کے خاتمے اور صاف و شفاف انتخابات میں ہے۔