سیکیورٹی ہائی الرٹ، پارلیمنٹ ہاؤس کے بیرونی گیٹ پرایف سی تعینات

ویب ڈیسک

30th Dec, 2022. 03:01 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سیکیورٹی ہائی الرٹ، پارلیمنٹ ہاؤس کے بیرونی گیٹ پرایف سی تعینات

دہشت گرد حملے کے خطرے کے پیشِ نظراسلام آباد میں سیکیورٹی ہائی الرٹ کردی گئی۔

تفصیلات کے مطابق اسلام آباد میں دہشت گرد حملے کے ممکنہ خطرے کے پیشِ نظر پارلیمنٹ ہاؤس کی سیکیورٹی سخت کر دی گئی ہے۔

پارلیمنٹ ہاؤس کے بیرونی گیٹ پرایف سی کے اہلکاروں کو تعینات کردیا گیا اور پارلیمنٹ ہاؤس میں داخلہ بند کر دیا گیا۔

پارلیمنٹ میں ہونے والے کمیٹیوں کے اجلاس بھی ملتوی کردیے گئے اورپارلیمنٹ کےملازمین کے علاوہ دیگر افراد کا بھی داخلہ بند کر دیا گیا۔

دوسری جانب قومی سلامتی کمیٹی کے اہم اجلاس میں دہشت گردی کے مکمل خاتمے کے لئے عزم کا اظہار کیا گیا ہے۔

قومی سلامتی کمیٹی کا اہم اجلاس وزیراعظم شہبازشریف کی زیرصدارت وزیرِاعظم ہاؤس اسلام آباد میں ہوا جس میں عسکری حکام کی جانب سے ملک کی سیکیورٹی کی صورتحال پر بریفنگ دی گئی۔

ذرائع نے بتایا کہ اجلاس میں پاکستان افغانستان بارڈر کی صورتحال اور حالیہ واقعات کا بھی جائزہ لیا گیا اور عسکری اور سول قیادت کی حالیہ دہشت گردی کے واقعات کی بھی شدید الفاظ میں مذمت کی گئی۔

اجلاس کی تفصیل پڑھیں