سال 2023 میں کتنی بار چاند کو گرہن لگے گا؟ محکمہ موسمیات نے بتادیا

ویب ڈیسک

31st Dec, 2022. 08:17 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سال 2023 میں کتنی بار چاند کو گرہن لگے گا؟ محکمہ موسمیات نے بتادیا

محکمہ موسیات نے بتایا ہے کہ سال 2023 میں 2 بار چاند کو گرہن لگے گا۔

محکمہ موسمیات کے مطابق سال 2023 میں 2 چاند گرہن ہوں گے جو پاکستان میں بھی دیکھے جاسکیں گے۔

پہلا چاند گرہن

سال 2023 کا پہلا جزوی چاند گرہن 5 اور 6 مئی کی درمیانی شب ہوگا جو پاکستانی وقت کے مطابق رات 8 بج کر 13 منٹ پر شروع ہوکر اگلے دن یعنی 6 مئی کو رات 12 بج کر 33 منٹ پر ہوگا۔

یہ بھی پڑھیں: سال 2023 میں کتنی بار سورج کو گرہن لگے گا؟

چاند کو مکمل گرہن رات 10 بج کر 23 منٹ پر لگے گا جب کہ چاند گرہن کا کل دورانیہ 4 گھنٹے 18 منٹ ہوگا۔

پاکستان میں جزوی چاند گرہن کا نظارہ مکمل طور پر دیکھا جاسکے گا جب کہ پاکستان کے علاوہ بھارت، بنگلادیش، سری لنکا، عراق، ایران اور متحدہ عرب امارات سمیت چین، روس اور متعدد ایشیائی ممالک میں بھی دیکھا جائے گا۔

دوسرا چاند گرہن

سال 2023 کا دوسرا چاند گرہن 28 اور 29 اکتوبر کی درمیانی شب ہوگا جس کا آغاز 28 اکتوبر کی رات 11 بج کر 2 منٹ پر ہوگا اور اختتام 29 اکتوبر کی رات 3 بج کر 28 منٹ پر ہوگا۔

یہ بھی پڑھیں: نئے سال کا آغاز کرنے والا پہلا اور آخری ملک کونسا ہوگا؟

چاند گرہن کا کل دورانیہ 4 گھنٹے 27 منٹ ہوگا جب کہ چاند گرہن کا عروج 29 اکتوبر کی رات 1 بج کر 53 منٹ پر ہوگا۔

واضح رہے کہ سال 2023 میں 2 مرتبہ سورج گرہن ہوں گے جس کا نظارہ پاکستان میں نہیں کیا جاسکے گا۔