ملکی ترقی کا بہت سا انحصار انفارمیشن ٹیکنالوجی کے فروغ میں ہے، عمران خان

ویب ڈیسک

06th Jan, 2023. 10:33 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملکی ترقی کا بہت سا انحصار انفارمیشن ٹیکنالوجی کے فروغ میں ہے، عمران خان

چیئرمین تحریک انصاف عمران خان نے کہا ہے کہ ملکی ترقی کا بہت سا انحصار انفارمیشن ٹیکنالوجی کے فروغ میں ہے۔

تفصیلات کے مطابق انفارمیشن ٹیکنالوجی کے شعبے سے وابستہ شخصیات کے نمائندہ وفد کی زمان پارک آمد ہوئی جہاں انہوں نے چیئرمین تحریک انصاف عمران خان سے خصوصی ملاقات کی۔

ملاقات میں حکومتیں بدلنے سے پالیسیاں تبدیل ہونے سے انڈسٹری کو نقصان پر شدید تشویش کا اظہار اور پالیسیوں کے تسلسل پر زور دیا گیا۔

‫اس موقع پر چیئرمین تحریک انصاف عمران خان نے کہا کہ ملکی ترقی کا بہت سا انحصار انفارمیشن ٹیکنالوجی کے فروغ میں ہے، تحریک انصاف کے دورِ حکومت میں آئی ٹی شعبے کی برآمدات میں نمایاں اضافہ ہوا۔

یہ بھی پڑھیں: تحریک انصاف کا آج سے مہنگائی کیخلاف ملک گیر احتجاج کا اعلان

سابق وزیراعظم اور چیئرمین تحریک انصاف عمران خان نے مزید کہا کہ تحریک انصاف دوبارہ آئی ٹی کے فروغ و ترقی کا اہتمام کرے گی۔

ملاقات کرنے والوں میں اوپن سیلیکان ویلی کے صدر جنید قریشی، صدر اوپن لاہور کنول چیمہ، جنرل سیکرٹری لاہور کاشف الحق اور سلیم رانجھا شامل تھے جبکہ صوبائی وزیر انفارمیشن اور ٹیکنالوجی ڈاکٹر ارسلان خالد بھی ملاقات میں موجود تھے۔